ಬೆಂಗಳೂರಿಂದ ಸ್ವಂತ ಕಾರಲ್ಲಿ ರ‍್ಯಾಪಿಡ್​ ಟೆಸ್ಟ್​ ಕಿಟ್​ ತರುತ್ತಿರುವ ಸಂಸದ ಜಾಧವ್​

ಕಲಬುರಗಿ ಜಿಲ್ಲೆಗೆ ಆಗಮಿಸಿರುವ ವಲಸೆ ಕಾರ್ಮಿಕರು ಸೇರಿ ವಿದೇಶದಿಂದ ಬಂದವರ ರ‍್ಯಾಪಿಡ್​ ಟೆಸ್ಟ್​ ನಡೆಸುವ ನಿಟ್ಟಿನಲ್ಲಿ ತುರ್ತಾಗಿ ಅಗತ್ಯವಿದ್ದ ಕಿಟ್​ಗಳನ್ನು ಸಂಸದ ಉಮೇಶ್​ ಜಾಧವ್​ ತಮ್ಮ ವಾಹನದಲ್ಲಿ ಕಲಬುರಗಿಗೆ ತರುತ್ತಿದ್ದಾರೆ.

ಬೆಂಗಳೂರಿನ ರಾಷ್ತ್ರೀಯ ವೈರಾಣು ಪ್ರಯೋಗಾಲಯದಿಂದ ಜಿಮ್ಸ್ ಗೆ ಕಿಟ್​ಗಳನ್ನು ತರಲಾಗುತ್ತಿದೆ. ಒಂದು ಸ್ಥಳದಿಂದ ಮತ್ತೊಂದು ಸ್ಥಳಕ್ಕೆ ಮಂಜುಗಡ್ಡೆ (ಹಾರ್ಡ್ ಐಸ್) ಯಲ್ಲಿಟ್ಟು , 16 ಗಂಟೆಯೊಳಗೆ ಕೊಂಡೊಯ್ಯಲೇಬೇಕಾಗಿದ್ದು, ಈ ಕಾರ್ಯಕ್ಕೆ ಸಂಸದ ಜಾಧವ್ ಅವರೇ ಮುಂದಾಗಿದ್ದಾರೆ.

8000 ಟೆಸ್ಟ್ ಸಾಮರ್ಥ್ಯ :

ಇದೀಗ ಆರ್.ಎನ್.ಎ ಎಕ್ಷ್​ಟ್ರ್ಯಾಕ್ಷನ್​ 5000 ಪೈಕಿ 1,728 ಹಾಗೂ ಎ ಸ್ಟಾರ್ ಫಾರ್ಟಿಟ್ಯೂಡ್ 2.0 ಪಿಸಿಆರ್ 5000 ಪೈಕಿ 2000 ಕಿಟ್ ಪೂರೈಸಲಾಗಿದೆ. (RNA extractionis thepurificationofRNAfrom biological samples. This procedure is complicated by the ubiquitous presence of ribonuclease enzymes in cells and tissues, which can rapidly degradeRNA) ಇದರಿಂದ 8 ಸಾವಿರ ಪರೀಕ್ಷೆಗಳನ್ನ ನಡೆಸಬಹುದಾಗಿದೆ ಎಂದು ಡಾ. ಉಮೇಶ್ ಜಾಧವ್ ಅವರು ತಿಳಿಸಿದ್ದಾರೆ.

ಒಟ್ಟು 50 ಲಕ್ಷ ರೂಪಾಯಿ ಮೌಲ್ಯದ ಕಿಟ್​ಗಳು ಇವಾಗಿದ್ದು, ಜಿಲ್ಲೆಗೆ ಬಂದಿರುವ ಕಾರ್ಮಿಕರು ಹಾಗೂ ವಲಸಿಗರ ರ‍್ಯಾಪಿಡ್ ಪರೀಕ್ಷೆಗೆ ಉಪಯೋಗವಾಗಲಿದೆ ಎಂದು ಸಂಸದರು ಹೆಮ್ಮೆ ವ್ಯಕ್ತಪಡಿಸಿದ್ದಾರೆ.