ಬೆಂಗಳೂರಿನಿಂದ ವಿಮಾನದಲ್ಲಿ ಕಲಬುರಗಿಗೆ ರೆಮ್​ಡಿಸಿವಿರ್​ ತಂದ ಸಂಸದ ಉಮೇಶ್​ ಜಾಧವ್​

ಕಲಬುರಗಿಯಲ್ಲಿ ರೆಮ್​ಡಿಸಿವಿರ್ ಲಸಿಕೆ ಸ್ಟಾಕ್ ಇಲ್ಲದ ಕಾರಣ ಸಂಸದ ಉಮೇಶ ಜಾಧವ್ ತಡರಾತ್ರಿ 1 ಗಂಟೆಗೆ ಬೆಂಗಳೂರಿನ ಡ್ರಗ್ ಕಂಟ್ರೋಲ್ ಮುಖ್ಯಾಲಯಕ್ಕೆ ತೆರಳಿ ತುರ್ತು ಅಗತ್ಯಕ್ಕಾಗಿ 350 ಬಾಟಲಿ​ಗಳನ್ನು ಮಂಜೂರು ಮಾಡಿಸಿ ತಮ್ಮೊಂದಿಗೆ ತೆಗೆದುಕೊಂಡು ಬಂದಿದ್ದಾರೆ.

ಕಲಬುರಗಿ:ಜಿಲ್ಲೆಯಲ್ಲಿ ರೆಮ್​​ಡಿಸಿವಿರ್ ಸ್ಟಾಕ್ ಇಲ್ಲದ ಕಾರಣ ಸ್ವತಃ ಸಂಸದ ಉಮೇಶ ಜಾಧವ್​ ತಡರಾತ್ರಿ ಬೆಂಗಳೂರಿನ ಡ್ರಗ್ ಕಂಟ್ರೋಲ್ ಮುಖ್ಯಾಲಯಕ್ಕೆ ತೆರಳಿ ರೆಮ್​ಡಿಸಿವಿರ್ ಔಷಧ ತೆಗೆದುಕೊಂಡು ಬಂದಿದ್ದಾರೆ.

ಬೆಂಗಳೂರು ಪ್ರವಾಸದಲ್ಲಿದ್ದ ಸಂಸದ ಉಮೇಶ್ ಜಾಧವ್, ಕಲಬುರಗಿಯ ಆಸ್ಪತ್ರೆಗಳಲ್ಲಿ ರೆಮ್​ಡಿಸಿವರ್ ಲಸಿಕೆ ಸ್ಟಾಕ್ ಇಲ್ಲ ಎಂದು ಸಹಾಯಕ ಡ್ರಗ್ ಕಂಟ್ರೋಲರ್​ನಿಂದ ಮಾಹಿತಿ ಪಡೆದು, ತಡರಾತ್ರಿ 1 ಗಂಟೆಗೆ ಬೆಂಗಳೂರಿನ ಡ್ರಗ್ ಕಂಟ್ರೋಲ್ ಮುಖ್ಯಾಲಯಕ್ಕೆ ತೆರಳಿ ತುರ್ತು ಅಗತ್ಯಕ್ಕಾಗಿ 350 ಬಾಟಲ್​ಗಳನ್ನು ಮಂಜೂರು ಮಾಡಿಸಿ ತಮ್ಮೊಂದಿಗೆ ತೆಗೆದುಕೊಂಡು ಬಂದಿದ್ದಾರೆ.

ವಿಮಾನದ ಮೂಲಕ ಬೆಳಗ್ಗೆ 9:30ರ ಹೊತ್ತಿಗೆ ಕಲಬುರಗಿಗೆ ತಲುಪಿದ್ದಾರೆ. ಅಲ್ಲದೆ ಇಂದು ಸಾಯಂಕಾಲದವರೆಗೆ 460 ಹೆಚ್ಚುವರಿ ಬಾಟಲ್​ಗಳು ಕಲಬುರಗಿಗೆ ಬರಲಿವೆ ಎಂದು ಜಾಧವ್​ ತಿಳಿಸಿದ್ದಾರೆ.

ಓದಿ:ಆಕ್ಸಿಜನ್, ರೆಮ್ಡೆಸಿವಿರ್ ಕೊರತೆಯಾದರೆ ಅಧಿಕಾರಿಗಳು ಅಥವಾ ನನ್ನ ಗಮನಕ್ಕೆ ತನ್ನಿ: ಸಿಎಂ ಸೂಚನೆ