ಹನುಮ ರಥೋತ್ಸವ ನಡೆಸಿ ಲಾಕ್​ಡೌನ್​ ಉಲ್ಲಂಘನೆ: ನಿಂಬರ್ಗಾ ವಲಯ ಅಧಿಕಾರಿ ಅಮಾನತು

ಲಾಕ್‌ಡೌನ್ ನಿಯಮ ಉಲ್ಲಂಘಿಸಿ ಹನುಮ ದೇವರ ರಥೋತ್ಸವ ನಡೆಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಿಂಬರ್ಗಾ ವಲಯ ಅಧಿಕಾರಿ ಚಂದ್ರಕಾಂತ ಕಾರಬಾರಿಯನ್ನ ಅಮಾನತುಗೊಳಿಸಿ ಜಿಲ್ಲಾಧಿಕಾರಿ ಬಿ.ಶರತ್ ಆದೇಶ ಹೊರಡಿಸಿದ್ದಾರೆ.

ಕಲಬುರಗಿ:ಲಾಕ್‌ಡೌನ್ ನಿಷೇಧಾಜ್ಞೆ ಮಧ್ಯೆ ಹನುಮ ದೇವರ ರಥೋತ್ಸವ ನಡೆಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಿಂಬರ್ಗಾ ವಲಯ ಅಧಿಕಾರಿ ಅಧಿಕಾರಿಯನ್ನ ಅಮಾನತುಗೊಳಿಸಿ ಜಿಲ್ಲಾಧಿಕಾರಿ ಬಿ.ಶರತ್ ಆದೇಶ ಹೊರಡಿಸಿದ್ದಾರೆ.

ಚಂದ್ರಕಾಂತ ಕಾರಬಾರಿ ಅಮಾನತಾದ ಅಧಿಕಾರಿ. ಆಳಂದ ತಾಲೂಕಿನ ಭೂಸನೂರ ಗ್ರಾಮದಲ್ಲಿ ಇದೇ ತಿಂಗಳ 16 ರಂದು ಲಾಕ್‌ಡೌನ್ ನಿಯಮ ಉಲ್ಲಂಘಿಸಿ ಹನುಮ ರಥೋತ್ಸವ ನಡೆದಿತ್ತು. ಈ ಕಾರ್ಯಕ್ರಮದಲ್ಲಿ ಸಾಮಾಜಿಕ ಅಂತರ ಕಾಯ್ದುಕೊಳ್ಳದೆ ನೂರಾರು ಜನ ಭಾಗಿಯಾಗಿದ್ದರು.

ಆದರೆ, ಇದನ್ನ ತಡೆಯಬೇಕಾದ ವಲಯ ಅಧಿಕಾರಿ ಎಂದು ನೇಮಕಗೊಂಡಿದ್ದ ಚಂದ್ರಕಾಂತ ಕಾರಬಾರಿ ಅವರು ತಮ್ಮ ಕರ್ತವ್ಯ ನಿಭಾಯಿಸುವಲ್ಲಿ ನಿರ್ಲಕ್ಷ್ಯ ಹಾಗೂ ಬೇಜವಾಬ್ದಾರಿ ತೋರಿಸಿದ್ದಾರೆಂಬ ಆರೋಪದ ಮೇಲೆ ಅವರನ್ನ ಅಮಾನತುಗೊಳಿಸಿ ಆದೇಶ ಹೊರಡಿಸಿದ್ದಾರೆ.