ಕಲಬುರಗಿಯಲ್ಲಿ ಮದ್ಯ ಮಾರಾಟಕ್ಕೆ ಅವಕಾಶ: ಜಿಲ್ಲಾಧಿಕಾರಿ

ಕೊರೊನಾ ಭೀತಿಯ ಹಿನ್ನೆಲೆ ಆರೆಂಜ್​ ಝೋನ್​ನಲ್ಲಿರುವ ಕಲಬುರಗಿ ಜಿಲ್ಲೆಯಲ್ಲಿ ಮದ್ಯ ಮಾರಾಟಕ್ಕೆ ಅವಕಾಶ ಕಲ್ಪಿಸಲಾಗಿದೆ ಎಂದು ಜಿಲ್ಲಾಧಿಕಾರಿ ಶರತ್​ ಬಿ ತಿಳಿಸಿದ್ದಾರೆ. ಕಂಟೈನ್ಮೆಂಟ್​​​ ಝೋನ್ ಹೊರತುಪಡಿಸಿ ಎಲ್ಲೆಡೆ ಮದ್ಯದ ಅಂಗಡಿಗಳು ಸೇರಿ ಬಹುತೇಕ ವಾಣಿಜ್ಯ ವಹಿವಾಟಿಗೂ ಅವಕಾಶ ಕಲ್ಪಿಸಲಾಗಿದೆ.

ಕಲಬುರಗಿ:ಆರೆಂಜ್ ಝೋಜ್ ಆಗಿರುವ ಕಲಬುರಗಿಯಲ್ಲಿ ಇಂದು ಮಧ್ಯಾಹ್ನದಿಂದ ಸಿಎಲ್2 ಮತ್ತು ಎಂಎಸ್ಐಎಲ್ ಮಳಿಗೆಗಳಲ್ಲಿ ಮದ್ಯ ಮಾರಾಟಕ್ಕೆ ಅವಕಾಶ ಕಲ್ಪಿಸಲಾಗಿದೆ ಎಂದು ಜಿಲ್ಲಾಧಿಕಾರಿ ಬಿ.ಶರತ್ ತಿಳಿಸಿದ್ದಾರೆ. ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದು ಕಡ್ಡಾಯವಾಗಿದೆ. ಕಂಟೈನ್ಮೆಂಟ್​​​ ಝೋನ್ ಹೊರತುಪಡಿಸಿ ಎಲ್ಲೆಡೆ ಮದ್ಯದ ಅಂಗಡಿಗಳು ಸೇರಿ ಬಹುತೇಕ ವಾಣಿಜ್ಯ ವಹಿವಾಟಿಗೂ ಅವಕಾಶ ಕಲ್ಪಿಸಲಾಗಿದೆ.

ಏನಿರುತ್ತೆ?

• ಹೋಟೆಲ್​​​ಗಳಿಂದ ಪಾರ್ಸೆಲ್​ ಸರ್ವಿಸ್​
• ಸಿಮೆಂಟ್ ಕಾರ್ಖಾನೆ ಆರಂಭ
• ಅಂತರ ಜಿಲ್ಲೆಯಲ್ಲಿ ಶೇ.50 ರಷ್ಟು ಬಸ್​​ಗಳ ಸಂಚಾರ
• ಬೆಳಗ್ಗೆ 7 ರಿಂದ ಸಂಜೆ 7 ವರೆಗೆ ಖಾಸಗಿ ವಾಹನ ಸಂಚಾರ
• ಸಾಮಾಜಿಕ ಅಂತರ ಕಾಯ್ದುಕೊಂಡು ಬಹುತೇಕ ಅಂಗಡಿಗಳು ಪ್ರಾರಂಭವಾಗಲಿವೆ

ಏನಿರಲ್ಲ? (ನಿರ್ಬಂಧಗಳು)

• ರೈಲು ನಿರ್ಬಂಧ
• ಅಂತಾರಾಜ್ಯ ಬಸ್ ಇಲ್ಲ
• ಶಾಲೆ, ಕಾಲೇಜು, ಟ್ರೈನಿಂಗ್ ಸೆಂಟರ್ ಇಲ್ಲ
• ಸಿನಿಮಾ ಹಾಲ್
• ಮಾಲ್​​​ಗಳಿಗೆ ಅವಕಾಶವಿಲ್ಲ
• ಸ್ಪೋಟ್ಸ್ ಆಯೋಜನೆ, ಸ್ವಿಮಿಂಗ್ ಫೂಲ್, ಸಾಂಸ್ಕೃತಿಕ ಚಟುವಟಿಕೆಗೆ ಅವಕಾಶವಿಲ್ಲ
• ಬಟ್ಟೆ ಅಂಗಡಿಗಳು ತೆರೆಯಲು ನಿರ್ಬಂಧ