ಕಲಬುರಗಿ:ವ್ಯಾಕ್ಸಿನ್ ಪಡೆದರೆ ತೊಂದರೆಯಾಗುತ್ತದೆ ಎಂಬ ಹೆದರಿಕೆಯಿಂದ ಲಸಿಕೆ ಪಡೆಯದೇ ಹಟ ಹಿಡಿದು ಕುಳಿತ ವಿಶೇಷ ಚೇತನ ವ್ಯಕ್ತಿಯ ಮುಂದೆ ಸ್ವತ: ಜಿಲ್ಲಾಧಿಕಾರಿ ಕುಳಿತು ಆತನ ಮನವೊಲಿಸಿದ ಪ್ರಸಂಗ ನಡೆದಿದೆ.
ವ್ಯಾಕ್ಸಿನ್ ಪಡೆಯುವಂತೆ ವಿಶೇಷ ಚೇತನನ ಮನವೊಲಿಸಿದ ಕಲಬುರಗಿ ಡಿಸಿ
ಅಫಜಲಪುರ ತಾಲೂಕಿ‌ನ ಘತ್ತರಗಾ ಗ್ರಾಮ ಪಂಚಾಯಿತಿಯಲ್ಲಿ ಈ ಘಟನೆ ನಡೆದಿದ್ದು, 40 ಜನ ವಿಶೇಷ ಚೇತನರಿಗೆ ವ್ಯಾಕ್ಸಿನ್ ನೀಡಿ ಆಹಾರ ಕಿಟ್ ವಿತರಿಸುವ ಕಾರ್ಯಕ್ರಮ ಆಯೋಜಿಸಲಾಗಿತ್ತು. ಈ ವೇಳೆ ಜಿಲ್ಲಾಧಿಕಾರಿ ವಿ ಜ್ಯೋತ್ಸ್ನಾ ಗ್ರಾಮ ಪಂಚಾಯತಿಗೆ ಭೇಟಿ ನೀಡಿ ಜನರ ಕುಶಲೋಪರಿ ವಿಚಾರಿಸಿದರು. ಗ್ರಾಮದ ವಿಶೇಷ ಚೇತನ ಬಲಭೀಮ ಎಂಬಾತ ಹೆದರಿಕೆಯಿಂದ ವ್ಯಾಕ್ಸಿನ್ ಹಾಕಿಸಿಕೊಳ್ಳಲಿಲ್ಲ.