ಸೇಡಂ ತಾಲೂಕಿನಾದ್ಯಂತ ಭಾರಿ ಮಳೆ: ಕೊಚ್ಚಿ ಹೋದ ರಸ್ತೆ

ಕಲಬುರಗಿಯ ಸೇಡಂ ತಾಲೂಕಿನಾದ್ಯಂತ ಭಾರಿ ಮಳೆಯಾಗಿದ್ದು, ಅಲ್ಲಲ್ಲಿ ರಸ್ತೆ, ಬೆಳೆ ಹಾನಿ ಸಂಭವಿಸಿದೆ.

ಸೇಡಂ :ತಾಲೂಕಿನಾದ್ಯಂತ ಭಾರಿ ಮಳೆಯಾಗಿದ್ದು, ಪರಿಣಾಮಇಟ್ಕಾಲ್ ಅಲ್ಲಿಪೂರ ತಾಂಡಾದ ರಸ್ತೆ ಕೊಚ್ಚಿ ಹೋಗಿದೆ. ಇದರಿಂದ ಗ್ರಾಮದ ಸಂಪರ್ಕ ಕಡಿತಗೊಂಡಿದೆ.

ಮೋರಿ ಸಮೇತ ರಸ್ತೆ ಕೊಚ್ಚಿ ಹೋಗಿರುವುದರಿಂದ ಜನರು ಸಂಚರಿಸಲು ಹರಸಾಹಸ ಪಡುವಂತಾಗಿದೆ. ಕುರಿ, ಮೇಕೆಗಳನ್ನು ಮೇಯಿಸಲು ಕೊಂಡೊಯ್ಯುವವರು ರಸ್ತೆ ದಾಟಲು ನಾನಾ ಕಸರತ್ತು ಮಾಡುತ್ತಿದ್ದಾರೆ.

ತಾಲೂಕಿನ ಇತರ ಭಾಗಗಳಲ್ಲಿಯೂ ಮಳೆಯಿಂದ ರಸ್ತೆ, ಬೆಳೆ ಹಾನಿ ಸಂಭವಿಸಿದ ಬಗ್ಗೆ ವರದಿಯಾಗಿದೆ.