ಮೈತ್ರಿ ಧರ್ಮ ಪಾಲನೆ ನಮ್ಮ ಕರ್ತವ್ಯವಾಗಬೇಕು: ಬಂಡೆಪ್ಪ ಕಾಶೆಂಪೂರ

ಮೈತ್ರಿ ಮಾಡಿಕೊಂಡ ಮೇಲೆ ನಮ್ಮ ನಮ್ಮ ಹೋರಾಟಗಳಿಗೆ ಫುಲ್​​ಸ್ಟಾಪ್ ಹಾಕಬೇಕು. ಮೈತ್ರಿ ಧರ್ಮ ಪಾಲನೆ ನಮ್ಮ ಮೊಟ್ಟ ಮೊದಲ ಕರ್ತವ್ಯವಾಗಬೇಕು ಎಂದು ಬಂಡೆಪ್ಪ ಕಾಶೆಂಪೂರ ಹೇಳಿಕೆ ನೀಡಿದ್ದಾರೆ.

ಕಲಬುರಗಿ: ಜೆಡಿಎಸ್ ರಾಜ್ಯಾಧ್ಯಕ್ಷ ಹೆಚ್.ವಿಶ್ವನಾಥ ಅವರ ಹೇಳಿಕೆಗೆ ಪ್ರತಿಕ್ರಿಯೆ ನೀಡಿದ ಬಂಡೆಪ್ಪ ಕಾಶೆಂಪೂರ ಅವರು ಮೈತ್ರಿ ಮಾಡಿಕೊಂಡ ಮೇಲೆ ನಮ್ಮ ನಮ್ಮ ಹೋರಾಟಗಳಿಗೆ ಫುಲ್​​ಸ್ಟಾಪ್ ಹಾಕಬೇಕು. ಮೈತ್ರಿ ಧರ್ಮ ಪಾಲನೆ ನಮ್ಮ ಮೊಟ್ಟ ಮೊದಲ ಕರ್ತವ್ಯವಾಗಬೇಕು ಎಂದರು.

ವಿಶ್ವನಾಥ ಅವರು ದೊಡ್ಡವರು. ಮೈತ್ರಿ ಸರ್ಕಾರ ಅಸ್ತಿತ್ವದಲ್ಲಿರುವಾಗ ಒಬ್ಬರದೊಬ್ಬರು ಎಣಿಸುವುದು ತಪ್ಪು. ರಾಜ್ಯ ಸರ್ಕಾರ ಜನಪರ ಕೆಲಸ ಮಾಡುತ್ತಿದೆ.‌ ಎಲ್ಲರೂ ಇದಕ್ಕೆ ಪೂರಕವಾಗಿ ನಡೆದುಕೊಳ್ಳಬೇಕು. ರಾಹುಲ್ ಗಾಂಧಿ-ದೇವೇಗೌಡರು ಸೇರಿ ಮೈತ್ರಿಗೆ ಕಾಯಕಲ್ಪ ಕೊಟ್ಟಿದ್ದಾರೆ ಎಂದು ಹೇಳಿದರು.

ನಮ್ಮಲ್ಲಿ ಏನಾದ್ರೂ ಹೆಚ್ಚು ಕಮ್ಮಿ ಆದ್ರೆ ಅವರಿಬ್ಬರೂ ಸರಿಪಡಿಸ್ತಾರೆ. ವಿಶ್ವನಾಥ ಹೇಳಿಕೆಯಿಂದ ಸರ್ಕಾರದ ಮೇಲೆ ಯಾವುದೇ ಪರಿಣಾ‌ಮ ಆಗೋದಿಲ್ಲ. ಕುಮಾರಸ್ವಾಮಿ ನೇತೃತ್ವದಲ್ಲಿ ಮೈತ್ರಿ ಸರ್ಕಾರ ಐದು ವರ್ಷ ಪೂರೈಸಿಯೇ ಪೂರೈಸುತ್ತದೆ ಎಂದರು.