ಉಮೇಶ್​ ಜಾಧವ್​ ಕುಟುಂಬದ 12 ಸದಸ್ಯರಿಗೆ ಕೊರೊನಾ

ಕುಟುಂಬದ ಸದಸ್ಯರಿಗೆ ಸೋಂಕು ತಗುಲಿರುವ ಕುರಿತು ‌ಸಂಸದ ಉಮೇಶ್ ಜಾಧವ್ ಟ್ವೀಟ್​ ಮಾಡಿದ್ದು, ಒಟ್ಟು 12 ಜನರಿಗೆ ಕೊರೊನಾ ಸೋಂಕು ತಗುಲಿದೆ.

ಕಲಬುರಗಿ:ಸಂಸದ ಉಮೇಶ್ ಜಾಧವ್ ಕುಟುಂಬದ ಸದಸ್ಯರು ಸೇರಿದಂತೆ ಒಟ್ಟು 12 ಜನರಿಗೆ ಕೊರೊನಾ ಸೋಂಕು ತಗುಲಿರುವುದು ದೃಢಪಟ್ಟಿದೆ.

ಕುಟುಂಬದ ಸದಸ್ಯರಿಗೆ ಸೋಂಕು ತಗುಲಿರುವ ಕುರಿತು ಜಾಧವ್ ಅವರು ಟ್ವೀಟ್​ ಮೂಲಕ ತಿಳಿಸಿದ್ದಾರೆ. ಉಮೇಶ್ ಜಾಧವ್ ಪತ್ನಿ, ಮಗಳು, ಸೊಸೆಗೂ ಸೋಂಕು ತಗುಲಿದೆ. ಪುತ್ರ ಶಾಸಕ ಅವಿನಾಶ್ ಜಾಧವ್, ಅವರ ಪತ್ನಿ, ಜಾಧವ್ ಅಳಿಯನಿಗೂ ಸೋಂಕು ತಗುಲಿದೆ. ಜೊತೆಗೆ ಉಮೇಶ್ ಜಾಧವ್ ಅವರ ಇಬ್ಬರು ಪಿ.ಎ, ಅವಿನಾಶ್ ಜಾಧವ್​​ ಅವರ ಓರ್ವ ಪಿಎಗೆ ಹಾಗೂ ಇಬ್ಬರು ಚಾಲಕರಲ್ಲಿ ಸೋಂಕು ಕಾಣಿಸಿಕೊಂಡಿದೆ.

ಕುಟುಂಬದ 12 ಜನರಿಗೆ ಸೋಂಕು ದೃಢಪಟ್ಟಿರೋದಾಗಿ ಜಾಧವ್ ತಿಳಿಸಿದ್ದಾರೆ. ಈ ಮುಂಚೆ ಉಮೇಶ್ ಜಾಧವ್, ಅವಿನಾಶ್ ಜಾಧವ್ ಹಾಗೂ ಅಳಿಯ ಅರುಣ್ ಪವಾರ್​​ಗೆ ಸೋಂಕು ದೃಢಪಟ್ಟಿತ್ತು. ಇದೀಗ ಮತ್ತೆ 12 ಜನರಿಗೆ ಸೋಂಕಿರೋದು ದೃಢವಾಗಿದೆ. ಎಲ್ಲರೂ ಬೆಂಗಳೂರಿನ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯಿತ್ತಿದ್ದಾರೆ.