ಸಿದ್ದರಾಮಯ್ಯ ನುಡಿದಂತೆ ಸರ್ಕಾರ ಎಂದಾದರೂ ಬಿದ್ದಿದೆಯೇ?: ಎನ್.ರವಿಕುಮಾರ್ ತಿರುಗೇಟು

ಜೆ.ಎಚ್ ಪಟೇಲ್ ಒಂದು ಹೋರಿ ಬೀಳುತ್ತೆ ಎಂದು ಉದಾಹರಣೆ ಕೊಟ್ಟಿದ್ದರು. ಸಿದ್ದರಾಮಯ್ಯನವರು ಸರ್ಕಾರ ಬೀಳುತ್ತದೆ ಎಂದಿದ್ದರು. ಆದರೆ ಅವರು ಹೇಳಿದಂತೆ ಎಂದಾದರೂ ಸರ್ಕಾರ ಉರುಳಿದೆಯಾ ಎಂದು ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಎನ್. ರವಿಕುಮಾರ್ ತಿರುಗೇಟು ನೀಡಿದ್ದಾರೆ.

ಕಲಬುರಗಿ:ಬಿಜೆಪಿ ಸರ್ಕಾರ ಅವಧಿಗೂ ಮುನ್ನವೇ ಬೀಳುತ್ತೆ ಎಂಬ ಮಾಜಿ ಸಿಎಂ ಸಿದ್ದರಾಮಯ್ಯ ಹೇಳಿಕೆಗೆ ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಎನ್. ರವಿಕುಮಾರ್ ತಿರುಗೇಟು ನೀಡಿದ್ದಾರೆ. ಅವರು ಹೇಳಿದಂತೆ ಎಂದಾದರೂ ಸರ್ಕಾರ ಬಿದ್ದಿದೆಯಾ ಎಂದು ವ್ಯಂಗ್ಯವಾಡಿದರು.

ಕಲಬುರಗಿಯಲ್ಲಿ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ಜೆ.ಎಚ್ ಪಟೇಲ್ ಒಂದು ಹೋರಿ ಬೀಳುತ್ತೆ ಎಂದು ಉದಾಹರಣೆ ಕೊಟ್ಟಿದ್ದರು. ಸಿದ್ದರಾಮಯ್ಯನವರು ಸರ್ಕಾರ ಬೀಳುತ್ತದೆ ಎಂದಿದ್ದರು. ಆದರೆ ಅವರು ಹೇಳಿದಂತೆ ಎಂದಾದರೂ ಸರ್ಕಾರ ಉರುಳಿದೆಯಾ ಎಂದು ಪ್ರಶ್ನಿಸಿದರು.

ಇನ್ನು ಇದೇ ವೇಳೆ ಮಾಜಿ ಪ್ರಧಾನಿ ದಿ.ವಾಜಪೇಯಿ ಕುರಿತು ಶಾಸಕ ಪ್ರಿಯಾಂಕ್ ಖರ್ಗೆ ನೀಡಿದ ಹೇಳಿಕೆ ವಿಚಾರವಾಗಿ ಮಾತನಾಡಿದರು. ವಾಜಪೇಯಿ ಆಗಲಿ, ನೆಹರು ಆಗಲಿ. ಅವರ ಬಗ್ಗೆ ಮಾತಾನಾಡೊಕೆ ಇಷ್ಟಪಡುವುದಿಲ್ಲ. ಇಬ್ಬರು ದೇಶದ ಮಹಾನ್ ನಾಯಕರು. ಅಟಲ್ ಬಿಹಾರಿ ಈ ದೇಶದ ಅಜಾತು ಶತ್ರು. ಪ್ರಿಯಾಂಕ್ ತಂದೆ ಮಲ್ಲಿಕಾರ್ಜುನ ಖರ್ಗೆ ಎಷ್ಟು ಒಳ್ಳೆಯವರಿದ್ದರು. ಅವರ ಬಗ್ಗೆ ನನಗೆ ತುಂಬಾ ಗೌರವವಿದೆ. ಇಂತಹ ಮಾತುಗಳನ್ನ ಖರ್ಗೆಯವರು ಇಲ್ಲಿವರೆಗೆ ಮಾತನಾಡಿಲ್ಲ. ಆದರೆ ವಾಜಪೇಯಿ ಬಗ್ಗೆ ಪ್ರಿಯಾಂಕ್ ಖರ್ಗೆ ಮಾತನಾಡಿದ್ದು ಅತೀವ ನೋವು ತಂದಿದೆ ಎಂದರು.