ವೇದಿಕೆ ಮೇಲೆ ತಲ್ವಾರ್ ಪ್ರದರ್ಶಿಸಿದ್ದ ಎಐಸಿಸಿ ಅಧ್ಯಕ್ಷರು.. ಶ್ರೀರಾಮಸೇನೆ ಕಿಡಿ
ಕಲಬುರಗಿ:ವೇದಿಕೆ ಮೇಲೆ ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ತಲ್ವಾರ್ ಪ್ರದರ್ಶನ ಮಾಡಿದಕ್ಕೆ ಶ್ರೀರಾಮ ಸೇನೆ ಕಿಡಿಕಾರಿದೆ. ಖರ್ಗೆ ವಿರುದ್ಧ ಕೇಸ್ ಹಾಕುವ ತಾಕತ್ತು ನಿಮಗಿದೆಯಾ? ಎಂದು ಪೊಲೀಸ್ ಇಲಾಖೆಗೆ ಶ್ರೀರಾಮ ಸೇನೆ ಪ್ರಶ್ನಿಸಿ ಕಿಚಾಯಿಸಿದೆ.
ನಗರದಲ್ಲಿ ಇತ್ತೀಚಿಗೆ ಕಾಂಗ್ರೆಸ್ ಪಕ್ಷ ಹಮ್ಮಿಕೊಂಡಿದ್ದ 'ಕಲ್ಯಾಣ ಕ್ರಾಂತಿ' ಸಮಾವೇಶದಲ್ಲಿ ಮಲ್ಲಿಕಾರ್ಜುನ ಖರ್ಗೆ ವೇದಿಕೆ ಮೇಲೆ ತಲ್ವಾರ್ ಪ್ರದರ್ಶನ ಮಾಡಿದ್ದರು. ಇದನ್ನ ಗುರಿಯಾಗಿಸಿಕೊಂಡು ಶ್ರೀರಾಮ ಸೇನೆ ಮುಖಂಡ ಆಂದೋಲಾ ಶ್ರೀಗಳು ಪೊಲೀಸ್ ಇಲಾಖೆ ವಿರುದ್ಧ ತಮ್ಮ ಫೇಸ್ಬುಕ್ ಖಾತೆಯಲ್ಲಿ ಕಿಡಿಕಾರಿದ್ದಾರೆ.