ಕೊರೊನಾ ವಿರುದ್ಧ ಸ್ವಯಂ ಜಾಗೃತಿ ಮೂಡಿಸುತ್ತಿರುವ ಯುವಕ

ಯುವಕನೊಬ್ಬ ಸ್ವಯಂ ಪ್ರೇರಣೆಗೊಂಡು ಕೊರೊನಾ ಮಹಾಮಾರಿ ಬಗ್ಗೆ ಜಾಗೃತಿ ಮೂಡಿಸುತ್ತಿದ್ದು, ಮನೆ ಮನೆಗೂ ತೆರಳಿ ಕೊರೊನಾ ಮಹಾಮಾರಿ ತಡೆಯಲು ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಂತೆ ಮಾಹಿತಿ ನೀಡುತ್ತಿದ್ದಾರೆ.

ಸೇಡಂ :ತಾಲೂಕಿನ ಕಿಷ್ಠಾಪೂರ ಗ್ರಾಮದಲ್ಲಿ ಬಸಪ್ಪ ಕಿಷ್ಟಪ್ಪ ಎಂಬ ಯುವಕ ಸ್ವಯಂ ಪ್ರೇರಣೆಗೊಂಡು ಕೊರೊನಾ ಮಹಾಮಾರಿ ಬಗ್ಗೆ ಜಾಗೃತಿ ಮೂಡಿಸುವ ಮೂಲಕ ಸಾಮಾಜಿಕ ಕಳಕಳಿ ವ್ಯಕ್ತಪಡಿಸುತ್ತಿದ್ದಾರೆ.

ನಿತ್ಯ ಮನೆ ಮನೆಗೂ ತೆರಳಿ ಕೊರೊನಾ ಮಹಾಮಾರಿ ತಡೆಯಲು ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದು. ಮಾಸ್ಕ್ ಬಳಕೆ ಮಾಡುವುದು ಹಾಗೂ ಪ್ರತಿ ಬಾರಿ ಕೈ ತೊಳೆದುಕೊಳ್ಳಿ ಎಂದು ಪ್ರಚಾರ ಮಾಡುತ್ತಿದ್ದಾರೆ.