ಬ್ರಿಟನ್​ನಿಂದ ಕಲಬುರಗಿಗೆ ಬಂದ 7 ಜನ: ಎಲ್ಲರ ಕೊರೊನಾ ವರದಿ ನೆಗೆಟಿವ್​​

ಬ್ರಿಟನ್​ನಿಂದ ಕಲಬುರಗಿಗೆ ಏಳು ಜನ ಬಂದಿದ್ದು, ಇವರ ಪೈಕಿ ಐವರು ಕಲಬುರಗಿಯಲ್ಲಿ, ಇಬ್ಬರು ಬೀದರ್​ಗೆ ಹೋಗಿದ್ದಾರೆ. ಆರೋಗ್ಯ ಇಲಾಖೆ ಬ್ರಿಟನ್​ನಿಂದ ಬಂದ ಐವರ ಗಂಟಲು ಮತ್ತು ಮೂಗಿನ ದ್ರವ ಸಂಗ್ರಹಿಸಿ ಲ್ಯಾಬ್​ಗೆ ಕಳುಹಿಸಿಕೊಟ್ಟಿದೆ. ಐವರ ಜೊತೆ ಅವರ ಸಂಪರ್ಕಕ್ಕೆ ಬಂದವರೂ ಸೇರಿ ಒಟ್ಟು 16 ಜನರ ಗಂಟಲು ಮತ್ತು ಮೂಗಿನ ದ್ರವ ಸಂಗ್ರಹಿಸಿದ್ದ ಆರೋಗ್ಯ ಇಲಾಖೆ, ಎಲ್ಲರ ವರದಿ ನೆಗೆಟಿವ್​ ಬಂದಿದೆ ಎಂದು ತಿಳಿಸಿದೆ.

ಕಲಬುರಗಿ:ಬ್ರಿಟನ್​ನಿಂದ ಜಿಲ್ಲೆಗೆ ವಾಪಸಾದ ಎಲ್ಲರ ಕೊರೊನಾ ವರದಿ ನೆಗೆಟಿವ್ ಎಂದು ಬಂದಿದ್ದು, ಜಿಲ್ಲೆಯ ಜನತೆ ನಿರಾಳರಾಗುವಂತೆ ಮಾಡಿದೆ.

ಬ್ರಿಟನ್​ನಿಂದ ಕಲಬುರಗಿಗೆ ಏಳು ಜನ ಬಂದಿದ್ದು, ಇವರ ಪೈಕಿ ಐವರು ಕಲಬುರಗಿಯಲ್ಲಿ, ಇಬ್ಬರು ಬೀದರ್​ಗೆ ಹೋಗಿದ್ದಾರೆ. ಆರೋಗ್ಯ ಇಲಾಖೆ ಬ್ರಿಟನ್​ನಿಂದ ಬಂದ ಐವರ ಗಂಟಲು ಮತ್ತು ಮೂಗಿನ ದ್ರವ ಸಂಗ್ರಹಿಸಿ ಲ್ಯಾಬ್​ಗೆ ಕಳುಹಿಸಿಕೊಟ್ಟಿದೆ. ಐವರ ಜೊತೆ ಅವರ ಸಂಪರ್ಕಕ್ಕೆ ಬಂದವರೂ ಸೇರಿ ಒಟ್ಟು 16 ಜನರ ಗಂಟಲು ಮತ್ತು ಮೂಗಿನ ದ್ರವ ಸಂಗ್ರಹಿಸಿದ್ದ ಆರೋಗ್ಯ ಇಲಾಖೆ, ಎಲ್ಲರ ವರದಿ ನೆಗೆಟಿವ್​ ಬಂದಿದೆ ಎಂದು ತಿಳಿಸಿದೆ.

ಹೀಗಾಗಿ ಇಡೀ ಜಿಲ್ಲೆಯಲ್ಲಿ ಉಂಟಾಗಿದ್ದ ಭಯ ದೂರವಾದಂತಾಗಿದೆ. ಎಲ್ಲರ ವರದಿಯೂ ನೆಗೆಟಿವ್ ಎಂದು ಬಂದಿದ್ದು, ಯಾರೂ ಭಯ ಪಡೋ ಅಗತ್ಯವಿಲ್ಲ ಎಂದು ಜಿಲ್ಲಾ ಆರೋಗ್ಯಾಧಿಕಾರಿ ಡಾ. ರಾಜಶೇಖರ ಮಾಲಿ ಮಾಹಿತಿ ನೀಡಿದ್ದಾರೆ.