ಕಲಬುರಗಿಯಲ್ಲಿ ಕೊರೊನಾಗೆ ಓರ್ವ ಬಲಿ, 198 ಹೊಸ ಪ್ರಕರಣಗಳು ಪತ್ತೆ

ಕಲಬುರಗಿಯಲ್ಲಿ ಕೊರೊನಾಗೆ ಓರ್ವ ಬಲಿಯಾಗಿದ್ದು, 198 ಹೊಸ ಕೋವಿಡ್​ ಪ್ರಕರಣಗಳು ಪತ್ತೆಯಾಗಿವೆ.

ಕಲಬುರಗಿ: ಜಿಲ್ಲೆಯಲ್ಲಿ 80 ವರ್ಷದ ವೃದ್ಧ ಕೊರೊನಾ ಸೋಂಕಿನಿಂದ ಸಾವನ್ನಪ್ಪಿದ್ದಾರೆ. ಇದರೊಂದಿಗೆ ಜಿಲ್ಲೆಯಲ್ಲಿ ಮೃತರ ಸಂಖ್ಯೆ 223 ಕ್ಕೆ ಏರಿಕೆಯಾಗಿದೆ.

ತೀವ್ರ ಉಸಿರಾಟ ತೊಂದರೆ ಜೊತೆಗೆ ಹೃದ್ರೋಗದಿಂದ ಬಳಲುತ್ತಿದ್ದ ಕಲಬುರಗಿಯ ರಾಮ‌ಮಂದಿರ ಭವಾನಿ ನಗರದ 80 ವರ್ಷದ ವೃದ್ಧ (P-306392) ಸಾವನ್ನಪ್ಪಿರುವ ಬಗ್ಗೆ ಶನಿವಾರ ವರದಿಯಾಗಿದೆ.

ಅಲ್ಲದೆ ಜಿಲ್ಲೆಯಲ್ಲಿ ಮತ್ತೆ 198 ಜನರಿಗೆ ಸೋಂಕು ದೃಢಪಟ್ಟಿದೆ. ಇದರೊಂದಿಗೆ ಸೋಂಕಿತರ ಸಂಖ್ಯೆ 12,745 ಗೆ ಏರಿಕೆಯಾಗಿದೆ. 230 ಜನ ಸೇರಿದಂತೆ ಇಲ್ಲಿಯವರೆಗೆ ಒಟ್ಟು 10,307 ಜನ ಗುಣಮುಖರಾದಂತಾಗಿದೆ. 2,215 ಆ್ಯಕ್ಟಿವ್ ಕೇಸ್​ಗಳಿದ್ದು, ಕೋವಿಡ್​ ಕೇರ್​ನಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.