ಸಿಡಿಲು ಬಡಿದು 17 ಜಾನುವಾರು ಸಾವು: ಕಂಗಾಲಾದ ಗ್ರಾಮಸ್ಥರು

ಕಲಬುರಗಿಯಲ್ಲಿ ಕಳೆದ ನಾಲ್ಕೈದು ದಿನಗಳಿಂದ ನಿರಂತರವಾಗಿ ಮಳೆ ಸುರಿಯುತ್ತಿದ್ದು, ಕಾಳಗಿ ತಾಲೂಕಿನ ಲಕ್ಷ್ಮಣ ನಾಯಕ ತಾಂಡಾದಲ್ಲಿ ಸಿಡಿಲು ಬಡಿದು 17 ಜಾನುವಾರು ಮೃತಪಟ್ಟಿವೆ.

ಕಲಬುರಗಿ: ಸಿಡಿಲು ಬಡಿದು ಏಕಕಾಲಕ್ಕೆ 17 ಜಾನುವಾರು ಸ್ಥಳದಲ್ಲೇ ಮೃತಪಟ್ಟಿರುವ ದುರ್ಘಟನೆ ಕಾಳಗಿ ತಾಲೂಕಿನ ಲಕ್ಷ್ಮಣನಾಯಕ ತಾಂಡಾದಲ್ಲಿ ನಡೆದಿದೆ.

ಲಕ್ಷ್ಮಣನಾಯಕ ತಾಂಡಾದ ನಿವಾಸಿಗಳು ಹಸುಗಳನ್ನು ಹಜರತ್ ಭಾಷಾ ಖದೀರ್ ದರ್ಗಾ ಗುಡ್ಡದಲ್ಲಿ ಮೇಯಿಸಲು ಹೊಡೆದುಕೊಂಡು ಹೋದಾಗ ಸಿಡಿಲು ಬಡಿದಿದ್ದು, 13 ಹಸುಗಳು ಮತ್ತು 4 ಎತ್ತುಗಳು ಸಾವನ್ನಪ್ಪಿವೆ. ಅಷ್ಟೇ ಅಲ್ಲದೆ, ಕಳೆದ ನಾಲ್ಕೈದು ದಿನಗಳಿಂದ ನಿರಂತರವಾಗಿ ಸುರಿಯುತ್ತಿರುವ ಮಳೆಯಿಂದಾಗಿ ಜನಜೀವನ ಅಸ್ತವ್ಯಸ್ತಗೊಂಡಿದೆ.

ಇದನ್ನೂ ಓದಿ:ಸಿಡಿಲು - ಗುಡುಗು ಸಹಿತ ಮಳೆಗೆ ಮೂರು ಕುದುರೆ ಸೇರಿ 50 ಕುರಿಗಳ ಸಾವು, ವ್ಯಕ್ತಿಗೆ ಗಾಯ

ಈ ಕುರಿತು ಮಾಹಿತಿ ತಿಳಿದ ಶಾಸಕ ಅವಿನಾಶ ಜಾಧವ ತಾಂಡಾಕ್ಕೆ ಭೇಟಿ ನೀಡಿ, ಪರಿಹಾರ ನೀಡಿದರು. ಸರ್ಕಾರಿ ಅನುದಾನದಿಂದ ಜಾನುವಾರು ಕಳೆದುಕೊಂಡವರಿಗೆ ಪರಿಹಾರ ಚೆಕ್ ವಿತರಿಸಿದರು.