ಚೆಂಡು ತರಲು ಕಾಂಪೌಂಡ್​​​ ಜಿಗಿದ ಬಾಲಕನ ತೊಡೆಯೊಳಗೆ ಹೊಕ್ಕ ಮರದ ಕೊಂಬೆ

ಕಾಂಪೌಂಡ್​ ಮೇಲಿಂದ ಜಿಗಿದ ಬಾಲಕನ ತೊಡೆಯೊಳಗೆ ಮರದ ಕೊಂಬೆ ಹೊಕ್ಕ ಘಟನೆ ಹಾವೇರಿ ಜಿಲ್ಲೆ ಸವಣೂರು ತಾಲೂಕಿನ ಕಳಸೂರು ಗ್ರಾಮದಲ್ಲಿ ಜರುಗಿದೆ.

ಹಾವೇರಿ : ಕಾಂಪೌಂಡ್​ ಮೇಲಿಂದ ಜಿಗಿದ ವೇಳೆ ಬಾಲಕನ ತೊಡೆಯಲ್ಲಿ ಮರದ ಕೊಂಬೆ ಹೊಕ್ಕ ಘಟನೆ ಜಿಲ್ಲೆ ಸವಣೂರು ತಾಲೂಕಿನ ಕಳಸೂರು ಗ್ರಾಮದಲ್ಲಿ ನಡೆದಿದೆ.

9 ವರ್ಷದ ಬಾಲಕ ತರುಣ್ ಬಳ್ಳಾರಿ ಗಾಯಗೊಂಡ ಬಾಲಕ. ತರುಣ್ ತನ್ನ ಸ್ನೇಹಿತರ ಜೊತೆ ಕ್ರಿಕಿಟ್ ಆಡುತ್ತಿದ್ದ ವೇಳೆ ಬಾಲ್ ಕಾಂಪೌಂಡ್​ ದಾಟಿ ಹೋಗಿದೆ. ಚೆಂಡು ತರಲು ಹೋದ ತರುಣ ಕಾಂಪೌಂಡ್​ ಮೇಲಿಂದ ಜಿಗಿದಾಗ ಈ ಘಟನೆ ನಡೆದಿದೆ.

ಬಾಲಕನಿಗೆ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಚಿಕಿತ್ಸೆ ನೀಡಿ ಮರದ ಕೊಂಬೆಯನ್ನ ತೆಗೆಯಲಾಗಿದೆ. ಹೆಚ್ಚಿನ ಚಿಕಿತ್ಸೆಗಾಗಿ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದೆ. ಸವಣೂರು ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ನಡೆದಿದೆ.