ಎಲೆಕೋಸಿಗೆ ಬೆಲೆ ಸಿಗದೆ ಬೆಳೆಯನ್ನೇ ನಾಶ ಮಾಡಿದ ರೈತರು

ಕೊರೊನಾದಿಂದಾಗಿ ಹೊಲದಲ್ಲಿ ಬೆಳೆದಿದ್ದ ಎಲೆಕೋಸು ಬೆಳೆಗೆ ಸರಿಯಾದ ಬೆಲೆ ದೊರೆಯದ ಕಾರಣ ಬೇಸರಗೊಂಡ ರೈತರಿಬ್ಬರು, ಬೆಳೆದ ಬೆಳೆಯನ್ನೆಲ್ಲಾ ನಾಶ ಮಾಡಿದ್ದಾರೆ.

ಹಾವೇರಿ:ಹೊಲದಲ್ಲಿ ಬೆಳೆದ ಬೆಳೆಗೆ ಸೂಕ್ತ ಬೆಲೆ ಸಿಗದ ಹಿನ್ನೆಲೆ ರೈತರಿಬ್ಬರು ಮೂರೂವರೆ ಎಕರೆಯಲ್ಲಿ ಬೆಳೆದಿದ್ದ ಎಲೆಕೋಸು​ ಬೆಳೆಯನ್ನು ನಾಶ ಮಾಡಿರುವ ಘಟನೆ ಜಿಲ್ಲೆಯ ಹಿರೇಕೆರೂರು ತಾಲೂಕಿನ ಭೋಗಾವಿಯಲ್ಲಿ ನಡೆದಿದೆ.

ಕೊರೊನಾದಿಂದಾಗಿ ಎಲೆಕೋಸಿಗೆ ಮಾರುಕಟ್ಟೆಯಲ್ಲಿ ಬೆಲೆ ಇಲ್ಲ. ಬೆಳೆ ಮಾರಿದರೆ ಅದಕ್ಕೆ ಸಿಂಪಡಿಸಿದ ಕ್ರಿಮಿನಾಶಕದ ಖರ್ಚೂ ಬರುವುದಿಲ್ಲ. ಕೊರೊನಾ ಇರುವುದರಿಂದ ವ್ಯಾಪಾರಸ್ಥರು ಸಹ ಈ ಕಡೆ ಮುಖ ಮಾಡುತ್ತಿಲ್ಲ. ಹೀಗಾಗಿ ಎಕರೆಗೆ 25 ಸಾವಿರ ರೂಪಾಯಿ ಖರ್ಚು ಮಾಡಿ ಬೆಳೆದ ಬೆಳೆಯನ್ನು ರೈತರು ನಾಶ ಮಾಡಿದ್ದಾರೆ.

ಶಿವಪ್ಪ ಮುತ್ತಿಗಿ ಮತ್ತು ಪರಮೇಶಪ್ಪ ಎಂಬ ಇಬ್ಬರು ರೈತರು ತಾವು ಬೆಳೆದಿದ್ದ ಎಲೆಕೋಸು ಬೆಳೆಯನ್ನು ​​ಟ್ರ್ಯಾಕ್ಟರ್​ ಮೂಲಕ ನಾಶ ಮಾಡಿದ್ದಾರೆ.