ಕಾಂಗ್ರೆಸ್​ನಲ್ಲಿ ಚಮಚಾಗಿರಿ ಮಾಡುವ ಚೇಲಾಗಳಿಗೆ ಮಾತ್ರ ಜಾಗ: ಬಿ.ಸಿ.ಪಾಟೀಲ್​​​

ಕಾಂಗ್ರೆಸ್​ನಲ್ಲಿ ಚಮಚಾಗಿರಿ ಮಾಡುವ ಚೇಲಾಗಳಿಗೆ ಜಾಗವಿದೆ. ನಮ್ಮಂತವರಿಗಿಲ್ಲ ಎಂದು ಹಿರೇಕೆರೂರು ಬಿಜೆಪಿ ಅಭ್ಯರ್ಥಿ ಬಿ.ಸಿ.ಪಾಟೀಲ್ ಆರೋಪಿಸಿದರೆ, ಕೇಂದ್ರ ಸಚಿವೆ ಸ್ಮೃತಿ ಇರಾನಿ ಕೈಯಲ್ಲಿ ಖಡ್ಗ ಹಿಡಿದು ದುರ್ಗೆಯಂತೆ ಕುಣಿದಿರುವುದರಲ್ಲಿ ತಪ್ಪೇನಿದೆ ಎಂದು ಸಂಸದ ಬಿ.ವೈ.ರಾಘವೇಂದ್ರ ಅಭಿಪ್ರಾಯಪಟ್ಟಿದ್ದಾರೆ.

ಹಾವೇರಿ:ಕಾಂಗ್ರೆಸ್​ನಲ್ಲಿ ಚಮಚಾಗಿರಿ ಮಾಡುವ ಚೇಲಾಗಳಿಗೆ ಜಾಗವಿದೆ. ನಮ್ಮಂತವರಿಗಿಲ್ಲ ಎಂದು ಹಿರೇಕೆರೂರು ಬಿಜೆಪಿ ಅಭ್ಯರ್ಥಿ ಬಿ.ಸಿ.ಪಾಟೀಲ್ ಆರೋಪಿಸಿದ್ದಾರೆ.

ಜಿಲ್ಲೆಯ ಹಿರೇಕೆರೂರಲ್ಲಿ ಮಾತನಾಡಿದ ಅವರು, ಕಾಂಗ್ರೆಸ್‌ನಲ್ಲಿ ನಮ್ಮನ್ನ ಬೆಳೆಯಲಿಕ್ಕೆ ಬಿಡದೆ ನಮ್ಮನ್ನ ತುಳಿಯುವ ಯತ್ನ ಮಾಡಿದರು. ಕರ್ನಾಟಕದ ಅಭಿವೃದ್ಧಿಗೆ ಇರಬೇಕಾದ ಸರ್ಕಾರ ಕೇವಲ ನಾಲ್ಕೈದು ಜಿಲ್ಲೆಗಳಿಗೆ ಮಾತ್ರ ಸೀಮಿತವಾಗಿತ್ತು. ಈ ರೀತಿಯ ಬೆಳವಣಿಗೆಗಳಿಂದ ಬೇಸತ್ತು ರಾಜೀನಾಮೆ ನೀಡಿ ಬಿಜೆಪಿ ಸೇರಿರುವುದಾಗಿ ಹೇಳಿದರು.

ಇನ್ನು ಕೇಂದ್ರ ಸಚಿವೆ ಸ್ಮೃತಿ ಇರಾನಿ ಕೈಯಲ್ಲಿ ಖಡ್ಗ ಹಿಡಿದು ದುರ್ಗೆಯಂತೆ ಕುಣಿದಿರುವದರಲ್ಲಿ ತಪ್ಪೇನಿದೆದೆ ಎಂದು ಸಂಸದ ಬಿ.ವೈ.ರಾಘವೇಂದ್ರ ಅಭಿಪ್ರಾಯಪಟ್ಟಿದ್ದಾರೆ. ನಮ್ಮ ಸಂಸ್ಕೃತಿಯಲ್ಲಿ ಸ್ತ್ರೀಯನ್ನ ದೇವಿ ರೂಪದಲ್ಲಿ ಕಾಣಲಾಗುತ್ತದೆ. ಹಾಗಾಗಿ ಆ ರೀತಿ ಕೈಯಲ್ಲಿ ಖಡ್ಗ ಹಿಡಿದು ದೇವಿಯಂತೆ ನೃತ್ಯ ಮಾಡಿರುವುದರಲ್ಲಿ ತಪ್ಪೇನಿಲ್ಲವೆಂದರು. ಇದೇ ವೇಳೆ ತಾವು ಬಿ.ಸಿ.ಪಾಟೀಲ್ ಪರ ಪ್ರಚಾರಕ್ಕೆ ಬಂದಿದ್ದು, ಈ ಬಾರಿ ಜಯಭೇರಿ ಬಾರಿಸಲಿದ್ದೇವೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು. ಯು.ಬಿ.ಬಣಕಾರ ಮತ್ತು ಬಿ.ಸಿ.ಪಾಟೀಲ್ ಇಬ್ಬರೂ ಒಂದಾಗಿದ್ದಾರೆ. ಈ ಹಿನ್ನೆಲೆಯಲ್ಲಿ ಕಳೆದ ಬಾರಿ ಚುನಾವಣೆಗಿಂತಲೂ ಈ ಬಾರಿ ಬಿ.ಸಿ.ಪಾಟೀಲ್ ಅಧಿಕ ಮತಗಳಿಂದ ಜಯ ಗಳಿಸಲಿದ್ದಾರೆಂದು ರಾಘವೇಂದ್ರ ಹೇಳಿದರು.