ರಾಣೆಬೆನ್ನೂರಲ್ಲಿ ಮತ್ತೋರ್ವ ಸರ್ಕಾರಿ ಶಾಲಾ ಶಿಕ್ಷಕನಿಗೆ ಕೊರೊನಾ ದೃಢ!

ನಿನ್ನೆ ಶಾಲಾ ಆರಂಭಕ್ಕೂ ಮುನ್ನ ಎಲ್ಲಾ  ಶಿಕ್ಷಕರಿಗೆ ಕೊರೊನಾ ತಪಾಸಣೆ ಮಾಡಲಾಗಿತ್ತು. ಇದೀಗ ವರದಿ ಬಂದಿದ್ದು, ಶಿಕ್ಷಕನಿಗೆ ಕೊರೊನಾ ದೃಢವಾಗಿದೆ.

ರಾಣೆಬೆನ್ನೂರು(ಹಾವೇರಿ): ಶಾಲಾ ಆರಂಭಕ್ಕೂ ಮುನ್ನ ರಾಣೆಬೆನ್ನೂರಲ್ಲಿ ಶಿಕ್ಷಕರಲ್ಲಿ ಕೊರೊನಾ ಸೋಂಕು ದೃಢಪಡುತ್ತಿದ್ದು, ಇಂದು ಮೊತ್ತರ್ವ ಶಿಕ್ಷಕನಿಗೆ ಕೊರೊನಾ ಸೊಂಕು ದೃಢವಾಗಿದೆ.

ರಾಣೆಬೆನ್ನೂರು ತಾಲೂಕಿನ ಹೆಡಿಯಾಲ ಗ್ರಾಮದ ಸರ್ಕಾರಿ ಪ್ರೌಢ ಶಾಲಾ ಶಿಕ್ಷಕನಿಗೆ ಕೊರೊನಾ ದೃಢವಾಗಿದೆ ಎಂದು ಡಿಡಿಪಿಐ ಅಂದಾನಪ್ಪ ವಡಗೇರಿ ತಿಳಿಸಿದ್ದಾರೆ.

ನಿನ್ನೆ ಶಾಲಾ ಆರಂಭಕ್ಕೂ ಮುನ್ನ ಎಲ್ಲಾ ಶಿಕ್ಷಕರಿಗೆ ಕೊರೊನಾ ತಪಾಸಣೆ ಮಾಡಲಾಗಿತ್ತು. ಈ ಸಮಯದಲ್ಲಿ ಶಿಕ್ಷಕನಿಗೆ ಇಂದು ಕೊರೊನಾ ದೃಢವಾಗಿದೆ. ಆದ್ದರಿಂದ ನಿನ್ನೆ ಶಾಲೆಗೆ ಬಂದಂತಹ 32 ಮಕ್ಕಳಿಗೂ ಕೊರೊನಾ ತಪಾಸಣೆ ಮಾಡುವಂತೆ ಆದೇಶ ಮಾಡಲಾಗಿದೆ.

ಮುಂಜಾಗ್ರತಾ ಕ್ರಮವಾಗಿ ಶಾಲೆಯನ್ನು ಬಂದ್ ಮಾಡಲಾಗಿದ್ದು, ಮಕ್ಕಳನ್ನು ಮನೆಗೆ ವಾಪಸ್​​ ಕಳುಹಿಸಲಾಗಿದೆ.

ಮೂರು ಜನ ಶಿಕ್ಷಕರಿಗೆ ಕೊರೊನಾ:

ರಾಣೆಬೆನ್ನೂರು ತಾಲೂಕಿನಲ್ಲಿ ಕಳೆದ ಎರಡು ದಿನಗಳಲ್ಲಿ ಒಟ್ಟು ಮೂರು ಜನ ಶಿಕ್ಷಕರಿಗೆ ಕೊರೊನಾ ಸೋಂಕು ದೃಢವಾಗಿದೆ. ಇದು ಮಕ್ಕಳಿಗೆ ಮತ್ತು ಪೋಷಕರಿಗೆ ಆಘಾತ ತಂದಿದೆ. ಕಳೆದ ಹತ್ತು ತಿಂಗಳ ಬಳಿಕ ಶಾಲಾ ಆರಂಭವಾಗಿದ್ದು, ಮಕ್ಕಳನ್ನು ಶಾಲೆಗೆ ಕಳುಹಿಸಲು ಮುಂದಾದ ಪಾಲಕರಿಗೆ ಈಗ ಮತ್ತೆ ಭಯ ಹುಟ್ಟಿದೆ.