ಹಾಕಿದ 15 ದಿನಗಳಲ್ಲೇ ಕಿತ್ತು ಬಂತು ಡಾಂಬರು! 1.5 ಕೋಟಿ ರೂಪಾಯಿ ವೆಚ್ಚದ ರಸ್ತೆಯ ದುರವಸ್ಥೆ ನೋಡಿ..

ಹಾವೇರಿ ತಾಲೂಕಿನ ಯಲಗಚ್ಚ ಗ್ರಾಮದಿಂದ ಹೊಸರಿತ್ತಿ ಗ್ರಾಮ 6 ಕಿ.ಮೀ ದೂರದಲ್ಲಿದೆ. ರಸ್ತೆ ಹಾಳಾಗಿದೆ ಎಂದು ಸರ್ಕಾರ ಡಾಂಬರೀಕರಣ ಮಾಡಲು ಪಿಆರ್‌ಡಿ ಯೋಜನೆಯಲ್ಲಿ ಸುಮಾರು ಒಂದುವರೆ ಕೋಟಿ ರೂಪಾಯಿ ವೆಚ್ಚದಲ್ಲಿ ಗುತ್ತಿಗೆ ಕರೆದಿತ್ತು. ಗುತ್ತಿಗೆ ಪಡೆದ ಗುತ್ತಿಗೆದಾರ ರಸ್ತೆ ನಿರ್ಮಿಸಿದ್ದಾನೆ. ಆದರೆ ರಸ್ತೆ ನಿರ್ಮಿಸಿದ 15 ದಿನದೊಳಗೆ ಡಾಂಬರ್ ಕಿತ್ತುಬರುತ್ತಿದೆ.

ಹಾವೇರಿ:ತಾಲೂಕಿನ ಯಲಗಚ್ಚ ಮತ್ತು ಹೊಸರಿತ್ತಿ ಮಧ್ಯೆ ಆರು ಕಿ. ಮೀ ಹೊಸ ಡಾಂಬರ್ ರಸ್ತೆ ನಿರ್ಮಿಸಲಾಗಿದೆ. ಆದರೆ ರಸ್ತೆ ನಿರ್ಮಿಸಿ 15 ದಿನಗಳಾಗುವ ಮುನ್ನವೇ ಡಾಂಬರ್ ಕಿತ್ತು ಬರುತ್ತಿದೆ ಎಂದು ಯಲಗಚ್ಚು ಗ್ರಾಮಸ್ಥರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಈ ಕುರಿತಂತೆ ಗುತ್ತಿಗೆದಾರನಿಗೆ ತಿಳಿಸಲು ಹೋದರೆ ನಮ್ಮ ಮೇಲೆಯೇ ಹಲ್ಲೆ ಮಾಡಲು ಬಂದಿದ್ದ ಎಂದು ಆರೋಪಿಸಿರುವ ಗ್ರಾಮಸ್ಥರು, ರಸ್ತೆ ನಿರ್ಮಿಸಿ ಕೇವಲ 15 ದಿನಗಳಾಗಿದೆ ಅಷ್ಟೇ. ಇದು ವರ್ಷಪೂರ್ತಿ ಇರುತ್ತೋ, ಇಲ್ಲವೊ? ಎಂಬ ಆತಂಕ ಶುರುವಾಗಿದೆ ಎನ್ನುತ್ತಿದ್ದಾರೆ. ಈ ಕೂಡಲೇ ಗುತ್ತಿಗೆದಾರನ ಪರವಾನಗಿ ರದ್ಧತಿ ಮಾಡಬೇಕು ಮತ್ತು ರಸ್ತೆಯನ್ನ ಹೊಸದಾಗಿ ನಿರ್ಮಿಸಬೇಕು ಎಂದು ಅವರು ಒತ್ತಾಯಿಸಿದ್ದಾರೆ.

ಕಳೆದ ಹಲವು ವರ್ಷಗಳ ಹಿಂದಿನಿಂದಲೂ ಈ ರಸ್ತೆ ಹದೆಗಟ್ಟಿತ್ತು. ಕಾಮಗಾರಿ ಆರಂಭವಾಗುತ್ತಿದ್ದಂತೆ ತಮ್ಮ ಸಮಸ್ಯೆ ಬಗೆಹರಿಯಿತು ಅಂತಾ ಗ್ರಾಮಸ್ಥರು ನಿಟ್ಟಿಸಿರುಬಿಟ್ಟಿದ್ದರು.

ಇದನ್ನೂಓದಿ:ಆ್ಯಂಬುಲೆನ್ಸ್ ಟೆಂಡರ್ ರದ್ದು: ಪ್ರಮಾಣ ಪತ್ರ ಸಲ್ಲಿಸುವಂತೆ ಸಚಿವ ಸುಧಾಕರ್‌ಗೆ ಹೈಕೋರ್ಟ್ ಸೂಚನೆ