ಏಲಕ್ಕಿ ಕಂಪಿನ ನಗರಿ ಹಾವೇರಿಯಲ್ಲಿ ಹೋಳಿ ಹಬ್ಬದ ತಯಾರಿ.. ರತಿ ಕಾಮಣ್ಣನ ಪ್ರತಿಷ್ಠಾಪನೆ

ಹೋಳಿ ಹಬ್ಬದ ಆಚರಣೆಗೆ ಏಲಕ್ಕಿನಗರಿ ಸಿದ್ಧವಾಗಿದ್ದು, 21 ಕಡೆ ಕಾಮರತಿಯ ಕಟ್ಟೆಗಳಲ್ಲಿ ಪೂಜೆ ನಡೆಯುತ್ತಿದೆ. 19ರ ಹುಣ್ಣಿಮೆಯ ದಿನ ಸಾಮಾಜಿಕ ಓರೆಗಳನ್ನು ತಿದ್ದುವ ಕಾಮನ ವೇಷಗಳು ನಗರದ ಜನತೆಯನ್ನು ಮನರಂಜಿಸಲಿವೆ.

ಹಾವೇರಿ:ಏಲಕ್ಕಿ ಕಂಪಿನ ನಗರ ಹಾವೇರಿರಂಗಪಂಚಮಿಗೆ ಸನ್ನದ್ಧಗೊಳ್ಳುತ್ತಿದೆ.ಎಲ್ಲೆಲ್ಲೂ ಬಣ್ಣಗಳಿಂದ ನಳನಳಿಸುತ್ತಿದೆ. ಮಾರ್ಚ್​ 19ರ ರಂಗಪಂಚಮಿಯ ಹೋಳಿ ಆಚರಣೆಗೆ ನಗರದ 21ಕಡೆ ಕಾಮರತಿಯ ಕಟ್ಟೆಗೆ ಮೂರ್ತಿಗಳನ್ನು ಪ್ರತಿಷ್ಠಾಪಿಸಲಾಗಿದೆ.

ಅಕ್ಕಿಪೇಟೆ ಮಾರುಕಟ್ಟೆ, ಗದ್ದಿಗೇರ್ ಓಣಿ, ಯಾಲಕ್ಕಿ ಓಣಿ, ಪುರದ ಓಣಿ ಮತ್ತು ಮೇಲಿನ ಪೇಟೆ ಸೇರಿದಂತೆ ವಿವಿಧೆಡೆ ಈಗಾಗಲೇ ರತಿಮನ್ಮಥರ ಕಟ್ಟಿಗೆ ಮೂರ್ತಿಗಳನ್ನು ಸ್ಥಾಪಿಸಿ ಪೆಂಡಾಲಗಳನ್ನು ಹಾಕಲಾಗಿದೆ.

ದಿನಕ್ಕೆ ಎರಡು ಬಾರಿ ಕಾಮರತಿಗೆ ಪೂಜೆ ಸಲ್ಲಿಸಲಾಗುತ್ತಿದ್ದು. ರತಿಮನ್ಮಥರ ಮೂರ್ತಿಗಳು ಒಂದಕ್ಕಿಂತ ಒಂದು ವಿಭಿನ್ನವಾಗಿ ಪ್ರತಿಷ್ಠಾಪಿಸಲ್ಪಟ್ಟಿವೆ. ಕಾಮಣ್ಣನ ಪೇಟಾ, ಟೋಪಿಗಳು ಗಮನ ಸೆಳೆಯುತ್ತಿವೆ.

ಉತ್ತರ ಕರ್ನಾಟಕದಲ್ಲಿ ಹೋಳಿ ಹುಣ್ಣಿಮೆಯ ಮುನ್ನಾದಿನ ಅಡ್ಡಸೋಗುಗಳನ್ನು ಹಾಕಲಾಗುತ್ತದೆ. ಸಾಮಾಜಿಕ ಓರೆಕೋರೆಯ, ರಾಜಕೀಯ ವಿಡಂಬನೆಯ ವೇಷ ಭೂಷಣಗಳು ನಗರದ ಜನರಿಗೆ ಮನರಂಜನೆ ನೀಡುತ್ತವೆ.

ಹೋಳಿ ಹುಣ್ಣಿಮೆಗಾಗಿ ವಿಶೇಷವಾದ ಹೋಳಿಗೆ ತಯಾರಿಸುತ್ತಾರೆ. ಕಾಮದಹನದ ನಂತರ ಸಂಜೆ ಹಾವೇರಿ ರಂಗಪಂಚಮಿಗೆ ವಿದ್ಯುಕ್ತ ತೆರೆ ಬೀಳಲಿದೆ. ಈ ಹಿನ್ನೆಲೆಯಲ್ಲಿ ಹಾವೇರಿ ಸನ್ನದ್ಧವಾಗುತ್ತಿದ್ದು, ಬಣ್ಣ ಪ್ರಿಯರು ಹೋಳಿಹಬ್ಬದಂದು ಸಂಭ್ರಮಿಸಲು ಕಾತರರಾಗಿದ್ದಾರೆ.

ಇದನ್ನೂ ಓದಿ:'ಕಂಪನಿ ಆಕ್ಟ್ ಅಡಿ ನೋಂದಣಿ ಮಾಡಿ ಒಕ್ಕಲಿಗ ಅಭಿವೃದ್ಧಿ ನಿಗಮ ಆರಂಭಿಸುತ್ತೇವೆ'