ಸುಡು ಬಿಸಿಲಿನಲ್ಲಿ ಪಡಿತರ ಪಡೆಯಲು ಸಾರ್ವಜನಿಕರ ಹರಸಾಹಸ

ಬಿಸಿಲಿನ ತಾಪದಿಂದ ದೂರ ಉಳಿದ ಜನ ನೆರಳಿನಲ್ಲಿ ದೂರ ದೂರದಲ್ಲಿ ನಿಂತು ಪಡಿತರ ಪಡೆದ ಘಟನೆ ಜಿಲ್ಲೆಯಲ್ಲಿ ನಡೆದಿದೆ.

ಹಾವೇರಿ:ಸುಡು ಬಿಸಿಲು ಸಹಿಸದೇ ಜನರು ಸಾಮಾಜಿಕ ಅಂತರದ ಬಾಕ್ಸ್​ಗಳಲ್ಲಿ ತಾವು ತಂದ ಕೈಚೀಲಗಳನ್ನು ಸರತಿಯಲ್ಲಿಟ್ಟಿರುವ ದೃಶ್ಯ ಹಾವೇರಿ ನಗರದಲ್ಲಿ ಕಂಡುಬಂತು.

ಒಂದು ಕಡೆ ನೆತ್ತಿಸುಡುವ ಬಿಸಿಲು ಮತ್ತೊಂದು ಕಡೆ ಪಡಿತರ ಪಡೆಯುವ ದಾವಂತ. ಪಡಿತರ ಪಡೆಯಲು ನ್ಯಾಯಬೆಲೆ ಅಂಗಡಿಗೆ ಹೋದರೆ ಕೊರೊನಾ ವೈರಸ್ ತಡೆಗೆ ಸಾಮಾಜಿಕ ಅಂತರದ ಬಾಕ್ಸ್​ಗಳಿಂದಾಗಿ ಸಾರ್ವಜನಿಕರು ಪರದಾಡುವ ಸ್ಥಿತಿ ನಿರ್ಮಾಣವಾಗಿತ್ತು.

ಬಿಸಿಲು ಹಾಗೂ ಕೊರೊನಾ ಬಾಕ್ಸ್​ನಿಂದಾಗಿ ಬೇರೆ ದಾರಿ ಕಾಣದೆ ಜನ ಬಿಸಿಲಿನಲ್ಲೇ ನಿಂತು ಅಕ್ಕಿ- ಗೋಧಿ ಪಡೆಯಬೇಕಾದ ಪರಿಸ್ಥಿತಿ ನಿರ್ಮಾಣಗೊಂಡಿತ್ತು. ಬಿಸಿಲಿನ ತಾಪದಿಂದ ದೂರ ಉಳಿದ ಜನ ನೆರಳಿನಲ್ಲಿ ದೂರ ದೂರದಲ್ಲಿ ನಿಂತು ಪಡಿತರ ಪಡೆದರು.