ರಾಣೇಬೆನ್ನೂರು ಪಿಎಲ್​ಡಿ ಬ್ಯಾಂಕ್​ ಚುನಾವಣೆ: ಕಾಂಗ್ರೆಸ್ ಬೆಂಬಲಿತ ಅಭ್ಯರ್ಥಿಗಳಿಗೆ ಜಯ

ಇಂದು ರಾಣೇಬೆನ್ನೂರು ತಾಲೂಕು ಪ್ರಾಥಮಿಕ ಸಹಕಾರಿ ಮತ್ತು ಗ್ರಾಮೀಣ ಅಭಿವೃದ್ಧಿ ಬ್ಯಾಂಕ್​ ಚುನಾವಣೆ ನಡೆಯಿತು. ಇದರಲ್ಲಿ ಕಾಂಗ್ರೆಸ್ ಬೆಂಬಲಿತ ಅಭ್ಯರ್ಥಿಗಳು ಭರ್ಜರಿ ಗೆಲವು ಸಾಧಿಸುವ ಮೂಲಕ ಮತ್ತೆ ಅಧಿಕಾರ ಹಿಡಿದಿದ್ದಾರೆ.

ಹಾವೇರಿ: ತಿವ್ರ ಕುತೂಹಲ ಮೂಡಿಸಿದ್ದ ರಾಣೇಬೆನ್ನೂರು ತಾಲೂಕು ಪ್ರಾಥಮಿಕ ಸಹಕಾರಿ ಮತ್ತು ಗ್ರಾಮೀಣ ಅಭಿವೃದ್ಧಿ ಬ್ಯಾಂಕ್​ ಚುನಾವಣೆಯಲ್ಲಿ ಕಾಂಗ್ರೆಸ್ ಬೆಂಬಲಿತ ಅಭ್ಯರ್ಥಿಗಳು ಭರ್ಜರಿ ಗೆಲವು ಸಾಧಿಸುವ ಮೂಲಕ ಮತ್ತೆ ಅಧಿಕಾರ ಹಿಡಿದಿದ್ದಾರೆ.

ಒಟ್ಟು 14 ಸ್ಥಾನಗಳನ್ನು ಹೊಂದಿದ ಪಿಎಲ್​ಡಿ ಬ್ಯಾಂಕ್​ಗೆ ಈಗಾಗಲೇ 5 ಕ್ಷೇತ್ರ ಅವಿರೋಧ ಆಯ್ಕೆ ಮಾಡಲಾಗಿದ್ದು, ಅವುಗಳಲ್ಲಿ ಬಿಜೆಪಿಯಿಂದ 2 ಹಾಗೂ ಕಾಂಗ್ರೆಸ್ 3 ಅಭ್ಯರ್ಥಿಗಳು ಆಯ್ಕೆಯಾಗಿದ್ದರು. ಇನ್ನುಳಿದ 9 ಕ್ಷೇತ್ರಕ್ಕೆ ನಡೆದ ಚುನಾವಣೆಯಲ್ಲಿ ಕಾಂಗ್ರೆಸ್ 6 ಸ್ಥಾನ ಮತ್ತು ಬಿಜೆಪಿ 3 ಸ್ಥಾನ ಪಡೆದುಕೊಂಡವು.

ಕಾಂಗ್ರೆಸ್ ಪಕ್ಷದಿಂದ ಆಯ್ಕೆಯಾದವರು :ಹಲಗೇರಿಯಿಂದ ನಾಗರಾಜ ಬಣಕಾರ, ಮೇಡ್ಲೇರಿಯಿಂದ ಹನುಮಪ್ಪ ಪೂಜಾರ, ಕುಪ್ಪೇಲೂರನಿಂದ ಕರೇಗೌಡ ಬಾಗೂರ, ಬಿಲ್ಲಹಳ್ಳಿಯಿಂದ ಕುಮಾರ ಬತ್ತಿಕೊಪ್ಪದ, ಜೋಯಿಸರಹರಳಹಳ್ಳಿಯಿಂದ ವೀರನಗೌಡ ಪೊಲೀಸಗೌಡ್ರ, ಕರೂರನಿಂದ ಭೀಮಪ್ಪ ಕುಡುಪಲಿ, ಗುಡಗೂರ ಕ್ಷೇತ್ರದ ಶಾರದಾ ಕೆಂಚರೆಡ್ಡಿ,ಕಾಕೋಳ ಕ್ಷೇತ್ರದ ಬಸವಣೆಪ್ಪ ಪಾರ್ವತಿ, ಗುಡ್ಡಗುಡ್ಡಾಪುರ ಕ್ಷೇತ್ರದ ದುಂಡೆಪ್ಪ ಹರಿಜನ ಆಯ್ಕೆಯಾಗಿದ್ದಾರೆ.