Video: ಉಕ್ರೇನ್​ನಲ್ಲಿ ಕನ್ನಡ ಡಿಂಡಿಮ ಭಾರಿಸಿ ಕರುನಾಡ ಪ್ರೇಮ ಮೆರೆದಿದ್ದ ನವೀನ್​.. ​

ಮೃತ ನವೀನ್​ ಹಾವೇರಿ ಹಾಗೂ ಕರ್ನಾಟಕ ಮೂಲದ ಗೆಳೆಯರೊಂದಿಗೆ ಭಾರಿಸು ಕನ್ನಡ ಡಿಂಡಿಮವಾ ಹಾಡಿಗೆ ಹೆಜ್ಜೆ ಹಾಕಿ ತಾಯ್ನಾಡ ಪ್ರೇಮ ಮೆರೆದಿದ್ದರು.

ಹಾವೇರಿ: ಉಕ್ರೇನ್​​ ಮೇಲಿನ ರಷ್ಯಾ ನಡೆಸಿದ ದಾಳಿಗೆ ಬಲಿಯಾದ ಹಾವೇರಿ ಜಿಲ್ಲೆಯ ವಿದ್ಯಾರ್ಥಿ ನವೀನ್ ಉಕ್ರೇನ್​ನಲ್ಲಿ ಕನ್ನಡ ಶಾಲು ಧರಿಸಿ ಕನ್ನಡ ಹಾಡಿಗೆ ಹೆಜ್ಜೆ ಹಾಕಿ ಕನ್ನಡಾಭಿಮಾನ ಮೆರೆದಿದ್ದ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್​ ವೈರಲ್ ಆಗಿದೆ.

ಹಾವೇರಿ ಹಾಗೂ ಕರ್ನಾಟಕ ಮೂಲದ ಗೆಳೆಯರೊಂದಿಗೆ ಭಾರಿಸು ಕನ್ನಡ ಡಿಂಡಿಮವಾ ಹಾಡಿಗೆ ಹೆಜ್ಜೆ ಹಾಕಿ ತಾಯ್ನಾಡ ಪ್ರೇಮವನ್ನು ಮೆರೆದಿದ್ದರು. ಇದೀಗ ಆ ವಿಡಿಯೋ ಲಭ್ಯವಾಗಿದೆ. ಕರ್ನಾಟಕ, ಭಾರತ‌ ದೇಶ ಬಿಟ್ಟು ಹೊರದೇಶದಲ್ಲೂ ಕನ್ನಡದ ಕಂಪು ಹರಡಿಸುತ್ತಿದ್ದ ಅಪ್ಪಟ ಕನ್ನಡಿಗ ನವೀನ್ ಶೆಲ್ ದಾಳಿಗೆ ಹತನಾಗಿರುವುದು ಇಡೀ ದೇಶಕ್ಕೆ ಆಘಾತಕಾರಿ ವಿಚಾರವಾಗಿದೆ.

ಇದನ್ನೂ ಓದಿ:ಉಕ್ರೇನ್​ನಿಂದ ಸುರಕ್ಷಿತವಾಗಿ ವಾಪಸಾದ ಹಾಸನದ ವೈದ್ಯಕೀಯ ವಿದ್ಯಾರ್ಥಿ

ಕನ್ನಡದ ಬಾವುಟ ಹಿಡಿದು ಸ್ನೇಹಿತರೊಂದಿಗೆ ಉಕ್ರೇನ್​ನಲ್ಲಿ ಕನ್ನಡ ರಾಜ್ಯೋತ್ಸವ ಆಚರಣೆ ಮಾಡಿದ್ದರು. ಈ ವಿಡಿಯೋವನ್ನು ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ಹಾಕಿ ಸ್ನೇಹಿತರು, ಜನ ಸಾಮಾನ್ಯರು ಸಂತಾಪ ಸೂಚಿಸುತ್ತಿದ್ದಾರೆ.