ಕಾಂಗ್ರೆಸ್ ಭ್ರಷ್ಟಾಚಾರ ಪಕ್ಷ ಎಂಬುದು ಬಹಿರಂಗವಾಗಿದೆ: ಮುರುಗೇಶ್​ ನಿರಾಣಿ

ಕಾಂಗ್ರೆಸ್​ ಭ್ರಷ್ಟಾಚಾರ ಪಕ್ಷ ಎಂಬುದು ಉಗ್ರಪ್ಪ ಮತ್ತು ಸಲೀಂ ಕಮಿಷನ್ ಮಾತುಕತೆಯಿಂದ ಬಹಿರಂಗವಾಗಿದೆ ಎಂದು ಬೃಹತ್​ ಮತ್ತು ಮಧ್ಯಮ ಕೈಗಾರಿಕಾ ಸಚಿವ ಮುರುಗೇಶ್ ನಿರಾಣಿ ಹೇಳಿದರು.

ಹಾವೇರಿ: ಭ್ರಷ್ಟಾಚಾರಕ್ಕೆ ಮತ್ತೊಂದು ಹೆಸರೇ ಕಾಂಗ್ರೆಸ್​ ಎಂದು ಸಚಿವ ಮುರುಗೇಶ್ ನಿರಾಣಿ ಟೀಕಿಸಿದರು.

ನಗರದ ಬಿಜೆಪಿ ಕಚೇರಿಯಲ್ಲಿ ಮಾತನಾಡಿದ ಅವರು, ಇಡೀ ಜಗತ್ತು ಪ್ರಧಾನಿ ನರೇಂದ್ರ ಮೋದಿಯವರನ್ನು ಒಪ್ಪಿಕೊಂಡಿದೆ. ಬೇರೆಯವರಿಂದ ಬುದ್ದಿ ಹೇಳಿಸಿಕೊಳ್ಳುವ ಪರಿಸ್ಥಿತಿ ನಮಗೆ ಬಂದಿಲ್ಲ ಎಂದರು.

ಉಪ ಚುನಾವಣೆ: ಶಿವರಾಜ ಸಜ್ಜನ ಅವರು ದಿ.ಸಿಎಂ ಉದಾಸಿಯವರ ದತ್ತು ಪತ್ರರಿದ್ದಂತೆ. ಹಾನಗಲ್​ ಕ್ಷೇತ್ರದ ಮತದಾರರ ಆಶ್ರೀರ್ವಾದ ಬಿಜೆಪಿ ಮೇಲಿದೆ. ಉಪಚುನಾವಣೆಯಲ್ಲಿ ಸಜ್ಜನರ ಗೆಲುವು ಖಚಿತ ಎಂದು ನಿರಾಣಿ ಭವಿಷ್ಯ ನುಡಿದರು.

ಬಂಡಾಯ ಶಮನ: ಸಿ.ಆರ್​​.ಬಳ್ಳಾರಿಯವರಿಗೆ ಟಿಕೆಟ್​ ನೀಡದ ಹಿನ್ನೆಲೆಯಲ್ಲಿ ಅಸಮಾಧಾನಗೊಂಡಿದ್ದರು. ಮನವೊಲಿಕೆ ನಂತರ ನಾಮಪತ್ರ ಹಿಂಪಡೆದಿದ್ದಾರೆ. ಯಾವುದೇ ಒತ್ತಾಯವಿಲ್ಲದೆ ಹಿರಿಯರ ಮಾತಿಗೆ ಬೆಲೆ ಕೊಟ್ಟಿದ್ದಾರೆ. ಅಲ್ಲದೆ, ಶಿವರಾಜ ಸಜ್ಜನರ ಪರ ಕೆಲಸ ಮಾಡುವುದಾಗಿ ಹೇಳಿದ್ದಾರೆ ಎಂದರು.