ಸಿಎಂ 'ಒನ್ ಮ್ಯಾನ್ ಆರ್ಮಿ' ರೀತಿಯ ವರ್ತನೆ ರಾಜ್ಯಕ್ಕೆ ಅಪಮಾನ: ಕೋಡಿಹಳ್ಳಿ ಚಂದ್ರಶೇಖರ್

ಸಿಎಂ ಯಡಿಯೂರಪ್ಪನವರು ಒನ್ ಮ್ಯಾನ್ ಆರ್ಮಿ ರೀತಿ ಓಡಾಡೋದು ರಾಜ್ಯಕ್ಕೆ ಅಪಮಾನ. ಮಂತ್ರಿಮಂಡಲ ಸೇರಿದಂತೆ ಎಲ್ಲರೂ ಕೆಲಸ‌ ಮಾಡಬೇಕು ಎಂದು ರಾಜ್ಯ ರೈತ ಸಂಘದ ಅಧ್ಯಕ್ಷ ಕೋಡಿಹಳ್ಳಿ ಚಂದ್ರಶೇಖರ್ ಹೇಳಿದರು.

ಹಾವೇರಿ: ಸಿಎಂ ಯಡಿಯೂರಪ್ಪನವರು ಒನ್ ಮ್ಯಾನ್ ಆರ್ಮಿ ರೀತಿ ಓಡಾಡೋದು ರಾಜ್ಯಕ್ಕೆ ಅಪಮಾನ ಎಂದು ರಾಜ್ಯ ರೈತ ಸಂಘದ ಅಧ್ಯಕ್ಷ ಕೋಡಿಹಳ್ಳಿ ಚಂದ್ರಶೇಖರ್ ಹೇಳಿದರು.

ಮಂತ್ರಿಮಂಡಲ ಸೇರಿದಂತೆ ಎಲ್ಲರೂ ಕೆಲಸ‌ ಮಾಡಬೇಕು. ಯುದ್ಧದ ರೀತಿಯಲ್ಲಿ ಪರಿಹಾರ ಕೆಲಸ ಸಾಗಬೇಕು. ಅಷ್ಟೇ ಅಲ್ಲ, ಕೇಂದ್ರ ಸರ್ಕಾರ ತಕ್ಷಣವೇ ರಾಷ್ಟ್ರೀಯ ವಿಪತ್ತು ಘೋಷಣೆ ಮಾಡಿ, 5 ಸಾವಿರ ಕೋಟಿ ರೂಪಾಯಿ ಪರಿಹಾರ ನೀಡಬೇಕು ಎಂದು ಆಗ್ರಹಿಸಿದರು.

ವಿಪತ್ತು ಎದುರಿಸಲು ರಾಜ್ಯ ಸರ್ಕಾರವೂ ನಿಧಿ ಸ್ಥಾಪನೆ ಮಾಡಬೇಕು. ಕೇಂದ್ರ ಸರ್ಕಾರ ಈ ವಿಚಾರದಲ್ಲಿ ನಿಧಾನಗತಿ ಧೋರಣೆ ಅನುಸರಿಸಿದರೆ ರೈತರು ಬೀದಿಗೆ ಬರುತ್ತಾರೆ ಎಂದು ಎಚ್ಚರಿಸಿದ್ರು.