ಹಾವೇರಿ: ಜಿಲ್ಲಾ ಕೇಂದ್ರ ಹಾವೇರಿ ಸುತ್ತಮುತ್ತಲು ಇರುವ ಗ್ರಾಮಗಳಿಗೆ ಮಳೆಗಾಲ ಆರಂಭವಾಯಿತು ಅಂದ್ರೆ ಸಾಕು ಆತಂಕ ಶುರುವಾಗುತ್ತೆ. ಜಿಲ್ಲಾ ಕೇಂದ್ರದಿಂದ 10 ಕಿ.ಮೀ ದೂರದಲ್ಲಿರುವ ಸುಮಾರು 25 ಗ್ರಾಮಗಳ ಜನರ ಆತಂಕಕ್ಕೆ ಕಾರಣ ವರದಾ ನದಿ.
ವರದಾ ಮೈದುಂಬಿ ಹರಿದರೆ 25 ಗ್ರಾಮಗಳ ಸಂಪರ್ಕ ಕಡಿ
ವರದಾ ಜಲಾನಯನ ಪ್ರದೇಶಗಳಲ್ಲಿ ಮಳೆಯಾದರೆ ಸಾಕು ವರದಾ ನದಿ ಮೈದುಂಬಿ ಹರಿಯಲಾರಂಭಿಸುತ್ತದೆ. ಈ ನದಿ ಮೈದುಂಬಿದರೆ ಹಾವೇರಿ ಮತ್ತು 25 ಕ್ಕೂ ಅಧಿಕ ಗ್ರಾಮಗಳನ್ನು ಸಂಪರ್ಕಿಸುವ ಸವಣೂರು ತಾಲೂಕಿನ ಕಳಸೂರು ಸೇತುವೆ ಮುಳುಗಡೆಯಾಗುತ್ತೆ. ಪರಿಣಾಮ, ಈ ಸೇತುವೆಯನ್ನು ಅವಲಂಭಿಸಿರುವ ಸುಮಾರು 25 ಕ್ಕೂ ಅಧಿಕ ಗ್ರಾಮಗಳ ಜನರು ಜಿಲ್ಲಾಕೇಂದ್ರಕ್ಕೆ ಬರಲು ಹರಸಾಹಸಪಡುತ್ತಾರೆ.