ಹಾನಗಲ್ : ವಿದ್ಯುತ್​ ಸ್ಪರ್ಶಿಸಿ ರೈತ ಸಾವು

ವಿದ್ಯುತ್​ ಸ್ಪರ್ಶಿಸಿ ರೈತನೋರ್ವ ಮೃತಪಟ್ಟಿರುವ ಘಟನೆ ಹಾನಗಲ್ ತಾಲೂಕಿನ ಮಲಗುಂದಲ್ಲಿ ನಡೆದಿದೆ.

ಹಾನಗಲ್ : ಬೋರ್​ವೆಲ್ ಪಂಪ್​ನ ಸ್ವಿಚ್​ ಹಾಕಲು ಹೋದ ವೇಳೆ ವಿದ್ಯುತ್​ ಸ್ಪರ್ಶಿಸಿ ರೈತ ಮೃತಪಟ್ಟ ಘಟನೆ ತಾಲೂಕಿನ ಮಲಗುಂದ ಗ್ರಾಮದಲ್ಲಿ ನಡೆದಿದೆ.

ನಾಗಪ್ಪ ಹೊಂಕಣ (41) ಮೃತ ದುರ್ದೈವಿ. ಜಮೀನಿನಲ್ಲಿ ಭತ್ತ ನಾಟಿ ಮಾಡಲು ತಯಾರಿ ‌ನಡೆಸುತಿದ್ದ ರೈತ ನಾಗಪ್ಪ, ನೀರು ಬಿಡಲು ಪಂಪ್​​ ಸ್ಚಿಚ್​ ಹಾಕಲು ತೆರಳಿದ್ದ ವೇಳೆ ವಿದ್ಯುತ್​ ತಗುಲಿ ಕೊನೆಯುಸಿರೆಳೆದಿದ್ದಾನೆ.

ಘಟನಾ ಸ್ಥಳಕ್ಕೆ ಆಡೂರ ಠಾಣೆಯ ಪಿಎಸ್​ಐ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.