ಹಾವೇರಿ:ಜಿಲ್ಲೆಯಲ್ಲಿ ಮತ್ತೊಂದು ಕೊರೊನಾ ಸೋಂಕಿನ ಪ್ರಕರಣ ದೃಢಪಟ್ಟಿದೆ. ಸೋಮವಾರ ದೃಢಪಟ್ಟಿದ್ದ 639ನೇ ಸೋಂಕಿತ ವ್ಯಕ್ತಿಯ ಅಣ್ಣನಿಗೆ ಇಂದು ಕೊರೊನಾ ದೃಢಪಟ್ಟಿದೆ.
ನಿನ್ನೆ ತಮ್ಮನಿಗೆ ಇಂದು ಅಣ್ಣನಲ್ಲಿ ಕೊರೊನಾ ಪಾಸಿಟಿವ್.. ಮಗನ ವರದಿ ಏನಾಗುತ್ತೆ..? - ಕೋವಿಡ್-19
ಮುಂಬೈನಿಂದ ಆಗಮಿಸಿದ್ದ ಸಹೋದರರಲ್ಲಿ ಕೊರೊನಾ ದೃಢಪಟ್ಟಿದ್ದು, ಅದೇ ಕುಟುಂಬದ ಮತ್ತೊಬ್ಬ ವ್ಯಕ್ತಿಯ ವರದಿಗಾಗಿ ಆರೋಗ್ಯ ಇಲಾಖೆ ಕಾಯುತ್ತಿದೆ.
ಕೊರೊನಾ
ನಿನ್ನೆ 30 ವರ್ಷದ ತಮ್ಮನಿಗೆ ಸೋಂಕಿರುವುದು ಪತ್ತೆಯಾಗಿತ್ತು. ಇದೀಗ ಆತನ 40 ವರ್ಷದ ಅಣ್ಣನಲ್ಲಿ ಕೊರೊನಾ ಪಾಸಿಟಿವ್ ದೃಢಪಟ್ಟಿದೆ. ಈತನನ್ನು ಪಿ-672 ಎಂದು ಗುರುತಿಸಲಾಗಿದೆ. ಈತ ತನ್ನ ತಮ್ಮನ ಹಾಗೂ ಮಗನ ಜೊತೆಯಲ್ಲಿ ಏಪ್ರಿಲ್ 28 ರಂದು ಮುಂಬೈನಿಂದ ಸವಣೂರಿಗೆ ಆಗಮಿಸಿದ್ದನು.
ಈಗ ಸಹೋದರರಲ್ಲಿ ಕೊರೊನಾ ಸೋಂಕು ದೃಢಪಟ್ಟಿದ್ದು, ಪಿ - 672ರ ಮಗನ ವರದಿಗಾಗಿ ಆರೋಗ್ಯ ಇಲಾಖೆ ಕಾಯುತ್ತಿದೆ.