ರೈಲ್ವೆ ಹಳಿ ಮಧ್ಯೆ ಸಿಲುಕಿಕೊಂಡ ವಾಹನಗಳು: ತಪ್ಪಿದ ಭಾರಿ ಅನಾಹುತ

ಗಂಗಾಪುರ-ರಾಣೆಬೆನ್ನೂರು ಮಾರ್ಗ ಮಧ್ಯೆ ಹಾದು ಹೋಗುವ ರೈಲ್ವೆ ಹಳಿಯಲ್ಲಿ ವಾಹನಗಳು ಸಿಲುಕಿಕೊಂಡು ವಾಹನ ಸವಾರು ಪರಾಡುವಂತಾಗಿತ್ತು. ನಂತರ ಸಾವರ್ಜನಿಕರು ಮುಂಜಾಗೃತಾ ಕ್ರಮವಾಗಿ ಆಟೋಗಳನ್ನು ಗೇಟ್​ ಮೂಲಕ ಹೊರ ತೆಗೆದಿದ್ದು ಭಾರಿ ಅನಾಹುತವೊಂದು ತಪ್ಪಿದಂತಾಗಿದೆ.

ರಾಣೆಬೆನ್ನೂರು:ನಗರದಲ್ಲಿ ಗಂಗಾಪುರ-ರಾಣೆಬೆನ್ನೂರು ಮಾರ್ಗ ಮಧ್ಯೆ ಹಾದು ಹೋಗಿರುವ ರೈಲ್ವೆ ಗೇಟ್ ಟ್ರಾಕ್ ಒಳಗೆ ಆಟೋಗಳು ಸಿಲುಕಿಕೊಂಡು ವಾಹನ ಸವಾರರು ಪರದಾಡಿದ ಘಟನೆ ನಡೆದಿದೆ.

ನಗರದ ಗಂಗಾಪುರ-ರಾಣೆಬೆನ್ನೂರು ಮಾರ್ಗ ಮಧ್ಯೆ ಹಾದು ಹೋಗುವ ರೈಲ್ವೆ ಹಳಿಯಲ್ಲಿ ವಾಹನಗಳು ಸಿಲುಕಿಕೊಂಡು ವಾಹನ ಸವಾರು ಪರಾಡುವಂತಾಗಿತ್ತು. ಪ್ರತಿನಿತ್ಯ ಈ ರೈಲ್ವೆ ಗೇಟ್​ ಬಳಿ ನೂರಾರು ವಾಹನಗಳು ಸಂಚರಿಸುತ್ತವೆ. ನಿನ್ನೆ ರೈಲು ಹಾದು ಹೋಗುವಾಗ ಸಂಚಾರ ದಟ್ಟಣೆ ಉಂಟಾಗಿತ್ತು. ರೈಲ್ವೆ ಗೇಟ್ ಮ್ಯಾನ್​​ ಗೇಟ್​ ಹಾಕಿದ್ದರಿಂದ ಹಳಿಗಳ ಮಧ್ಯದಲ್ಲಿಯೇ ವಾಹನಗಳು ಸಿಲುಕಿಕೊಂಡಿದ್ದವು.

ನಂತರ ವಾಹನ ಸವಾರರು ಮತ್ತು ಸಾವರ್ಜನಿಕರು ಮುಂಜಾಗೃತಾ ಕ್ರಮವಾಗಿ ಆಟೋಗಳನ್ನು ಗೇಟ್​ ಮೂಲಕ ಹೊರ ತೆಗೆದಿದ್ದು ಭಾರೀ ಅನಾಹುತವೊಂದು ತಪ್ಪಿದಂತಾಗಿದೆ. ಈ ಕುರಿತು ಸಾರ್ವಜನಿಕರು ರೈಲ್ವೆ ಇಲಾಖೆ ಹಾಗೂ ಜನಪ್ರತಿನಿಧಿಗಳ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು.