ಡಿಜೆ ಹಾಕುವ ಸಲುವಾಗಿ ಯುವಕರ ನಡುವೆ ಮಾರಾಮಾರಿ - ಹತ್ತು ಜನರಿಗೆ ಗಾಯ

ಯುವಕರ ನಡುವಿನ ಗಲಾಟೆ ವಿಡಿಯೋ ಸದ್ಯ ಸಾಮಾಜಿಕ‌ ಜಾಲತಾಣದಲ್ಲಿ ವೈರಲ್ ಆಗಿದ್ದು, ರಾಣೆಬೆನ್ನೂರು ಗ್ರಾಮಾಂತರ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಹಲ್ಲೆಯಿಂದ 10 ಮಂದಿ ಗಾಯಗೊಂಡಿದ್ದರೆ, ಹಲ್ಲೆ ಮಾಡಿದ ಯುವಕರು ತೆಲೆ‌ಮರೆಸಿಕೊಂಡಿದ್ದಾರೆ.

ರಾಣೆಬೆನ್ನೂರು:ದೀಪಾವಳಿ ಹಬ್ಬದಲ್ಲಿ ಡಿಜೆ ಹಾಕುವ ಸಲುವಾಗಿ ಯುವಕರ ನಡುವೆ ನಡೆದ ಮಾರಾಮಾರಿಯಲ್ಲಿ ಹತ್ತು ಜನರು ಗಾಯಗೊಂಡಿರುವ ಘಟನೆ ತಾಲೂಕಿನ ಅಂಕಾಸಪುರ ತಾಂಡದಲ್ಲಿ ನಡೆದಿದೆ.

ದೀಪಾವಳಿ ಹಬ್ಬದ ಸಮಯದಲ್ಲಿ ಅಂಕಾಸಪುರ ಗ್ರಾಮದಲ್ಲಿ ಡಿಜೆ ಹಾಕಲಾಗಿತ್ತು. ಈ ಸಮಯದಲ್ಲಿ ಯುವಕರ ಗುಂಪೊಂದು ಕಿರಿಕ್ ಮಾಡಿದೆ. ಇದರಿಂದ ಮಾತಿಗೆ ಮಾತು ಬೆಳೆದು ಮಾರಾಮಾರಿ ನಡೆದಿದೆ. ಈ ವೇಳೆ ಸುಮಾರು 10 ಮಂದಿ ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದಾರೆ.

ಯುವಕರ ಗಲಾಟೆ ವಿಡಿಯೋ ಸದ್ಯ ಸಾಮಾಜಿಕ‌ ಜಾಲತಾಣದಲ್ಲಿ ವೈರಲ್ ಆಗಿದ್ದು, ರಾಣೆಬೆನ್ನೂರು ಗ್ರಾಮಾಂತರ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಹಲ್ಲೆ ಮಾಡಿದ ಯುವಕರು ತೆಲೆ‌ಮರೆಸಿಕೊಂಡಿದ್ದು, ಪೊಲೀಸರು ಬಲೆ ಬೀಸಿದ್ದಾರೆ.