ಅಬ್ಬಬ್ಬಾ ಏನ್‌ ರೇಟ್‌ರೀ.. ದಾಖಲೆಯ ಮೊತ್ತಕ್ಕೆ ಬಿಕರಿಯಾದ ಬ್ಯಾಡಗಿ ಡಬ್ಬ ಮೆಣಸಿನಕಾಯಿ..

ರೈತ ಹನುಮರೆಡ್ಡಿ ಸುಮಾರು 28 ಚೀಲ ಮೆಣಸಿನಕಾಯಿ ತಂದಿದ್ದು, 9 ಕ್ವಿಂಟಾಲ್ ತೂಕವಿದೆ. ಮಾರುಕಟ್ಟೆಯ ವಿ ಎ ಬಾಗೋಜಿ ದಲಾಲಿ ಅಂಗಡಿಯಲ್ಲಿ ಕಿಶೋರ್ & ಕಂಪನಿ ಕ್ವಿಂಟಾಲ್​​ಗೆ 36,999 ರೂ. ನೀಡಿ ಮೆಣಸಿನಕಾಯಿ ಖರೀದಿಸಿದೆ.

ಹಾವೇರಿ : ವಿಶ್ವ ಪ್ರಸಿದ್ಧ ಬ್ಯಾಡಗಿ ಮೆಣಸಿನಕಾಯಿ ಮಾರುಕಟ್ಟೆ ಈಗ ಮತ್ತೊಂದು ದಾಖಲೆಗೆ ಸಾಕ್ಷಿಯಾಗಿದೆ.

ಕ್ವಿಂಟಾಲ್​​ಗೆ 36,999 ರೂಪಾಯಿ!

ಆಂಧ್ರಪ್ರದೇಶದ ಅನಂತಪುರಂ ಜಿಲ್ಲೆಯ ಆವಲಗಟ್ಟಾ ಗ್ರಾಮದ ಹನುಮರೆಡ್ಡಿ ಬೆಳೆದ ಮೆಣಸಿನಕಾಯಿ ಕ್ವಿಂಟಾಲ್​​ಗೆ ಬರೋಬ್ಬರಿ 36,999 ರೂಪಾಯಿ ದಾಖಲೆಯ ದರಕ್ಕೆ ಮಾರಾಟವಾಗಿದೆ. ಈ ಮೂಲಕ ಮಾರುಕಟ್ಟೆಯಲ್ಲಿ ಅತಿಹೆಚ್ಚು ಬೆಲೆಗೆ ಮಾರಾಟವಾದ ಮೆಣಸಿನಕಾಯಿ ಎಂಬ ದಾಖಲೆ ಬರೆದಿದೆ.

ರೈತ ಹನುಮರೆಡ್ಡಿ ಸುಮಾರು 28 ಚೀಲ ಮೆಣಸಿನಕಾಯಿ ತಂದಿದ್ದು, 9 ಕ್ವಿಂಟಲ್ ತೂಕವಿದೆ. ಮಾರುಕಟ್ಟೆಯ ವಿ ಎ ಬಾಗೋಜಿ ದಲಾಲಿ ಅಂಗಡಿಯಲ್ಲಿ ಕಿಶೋರ್ ಅಂಡ್ ಕಂಪನಿ ಕ್ವಿಂಟಲ್​​ಗೆ 36,999 ರೂ. ನೀಡಿ ಮೆಣಸಿನಕಾಯಿ ಖರೀದಿಸಿದೆ.

ಬ್ಯಾಡಗಿ ಡಬ್ಬ ಮೆಣಸಿನಕಾಯಿ ತಳಿ ಇದಾಗಿದ್ದು, ಸ್ವಚ್ಛತೆ, ಬಣ್ಣ, ಸ್ವಾದಿಷ್ಟ ರುಚಿಯ ಮೇಲೆ ಬೆಲೆ ನಿಗದಿ ಮಾಡಲಾಗಿದೆ ಎನ್ನಲಾಗಿದೆ. ಮಾರುಕಟ್ಟೆಗೆ ಅತಿ ಹೆಚ್ಚು ಬೆಲೆಯ ಮೆಣಸಿನಕಾಯಿ ತಂದಿದ್ದಕ್ಕೆ ರೈತ ಹನುಮರೆಡ್ಡಿಯನ್ನು ಮಾರುಕಟ್ಟೆ ಸಮಿತಿಯಿಂದ ಸನ್ಮಾನಿಸಲಾಯಿತು.