ಮತ ಕ್ಷೇತ್ರದಲ್ಲಿ ಪರಿಶಿಷ್ಟರಿಗೆ ಸ್ಥಾನ ಕಲ್ಪಿಸಲು ಒತ್ತಾಯಿಸಿ ಪ್ರತಿಭಟನೆ

ಅರಸೀಕೆರೆ ತಾಲೂಕು ಜಾವಗಲ್ ಹೋಬಳಿಯ ಹಳೇಕಲ್ಯಾಡಿ ಮತ ಕ್ಷೇತ್ರದಲ್ಲಿ ಕೈಬಿಟ್ಟು ಹೋಗಿರುವ ಪರಿಶಿಷ್ಟರಿಗೆ ಸ್ಥಾನ ಕಲ್ಪಿಸಲು ಒತ್ತಾಯಿಸಿ ಜಿಲ್ಲಾಧಿಕಾರಿ ಕಚೇರಿ ಮುಂದೆ ಮಾದಿಗ ದಂಡೋರಾದಿಂದ ಪ್ರತಿಭಟನೆ ನಡೆಸಿ ಮನವಿ ಸಲ್ಲಿಸಲಾಯಿತು.

ಹಾಸನ : ಅರಸೀಕೆರೆ ತಾಲೂಕು ಜಾವಗಲ್ ಹೋಬಳಿಯ ಹಳೇಕಲ್ಯಾಡಿ ಮತ ಕ್ಷೇತ್ರದಲ್ಲಿ ಕೈಬಿಟ್ಟು ಹೋಗಿರುವ ಪರಿಶಿಷ್ಟರಿಗೆ ಸ್ಥಾನ ಕಲ್ಪಿಸಲು ಒತ್ತಾಯಿಸಿ ಜಿಲ್ಲಾಧಿಕಾರಿ ಕಚೇರಿ ಮುಂದೆ ಮಾದಿಗ ದಂಡೋರದಿಂದ ಪ್ರತಿಭಟನೆ ನಡೆಸಿ ಮನವಿ ಸಲ್ಲಿಸಲಾಯಿತು.

ರಾಜ್ಯ ಚುನಾವಣಾ ಆಯೋಗವು 2020-21ರಲ್ಲಿ ಚುನಾವಣೆ ನಡೆಸಲು ಗ್ರಾಮ ಪಂಚಾಯಿತಿಗಳಿಗೆ ಅಧಿಸೂಚನೆ ಹೊರಡಿಸಿದ್ದು, ಅದರಂತೆ ಹಳೇ ಕಲ್ಯಾಡಿ ಗ್ರಾಮದಲ್ಲಿ ಲಿಂಗಾಯಿತ ಮತ್ತು ಮಾದಿಗ ಸಮುದಾಯದ ಮತದಾರರಿದ್ದು, ಈ ಗ್ರಾಮದಲ್ಲಿ 200ಕ್ಕೂ ಹೆಚ್ಚು ಮತದಾರರು ಮಾದಿಗ ಜಾತಿಗೆ ಸೇರಿದವರಿದ್ದಾರೆ. ಈ ಮತ ಕ್ಷೇತ್ರದಲ್ಲಿ ಈ ಹಿಂದೆ ಒಂದು ಸಾಮಾನ್ಯ ವರ್ಗಕ್ಕೂ, ಇನ್ನೊಂದು ಪರಿಶಿಷ್ಟ ವರ್ಗಕ್ಕೂ ಮೀಸಲಿರುತ್ತಿತ್ತು ಎಂದರು.

ಸಾಮಾನ್ಯ ವರ್ಗಕ್ಕೆ ಮಾತ್ರ ಮತ ಕ್ಷೇತ್ರವು ಮೀಸಲಿದ್ದು, ಪರಿಶಿಷ್ಟರಿಗೆ ಮೀಸಲಿದ್ದ ಸ್ಥಾನವನ್ನು ಕೈಬಿಟ್ಟಿದ್ದಾರೆ. ಪ್ರಾಬಲ್ಯವಿರುವ ಲಿಂಗಾಯಿತ ಸಮುದಾಯದ ರಮೇಶ ಬಿನ್ ಸಿದ್ದಪ್ಪ ಎಂಬುವವರು ಗ್ರಾಮಕ್ಕೆ ರೂ. 8,50,000​ ಹಣದ ಆಮಿಷ ಒಡ್ಡಿ ಮತದಾರರ ಹಕ್ಕನ್ನು ಕಸಿದುಕೊಂಡು ಅವಿರೋಧವಾಗಿ ಆಯ್ಕೆಯಾಗಲು ಒತ್ತಡ ಹೇರಿರುವುದಾಗಿ ಪ್ರತಿಭಟನಾಕಾರರು ದೂರಿದರು