ಒಂದೊಳ್ಳೆ ಸುದ್ದಿ - ಬಿರಿಯಾನಿ ಕಾರ್ನರ್ ಹೋಯ್ತು... ಸಸ್ಯಕಾಶಿ ಬಂತು..!

ಲಾಕ್​ಡೌನ್​ನಿಂದ ತತ್ತರಿಸಿದ ಜನತೆ ತಮ್ಮ ಜೀವನಾಧಾರಕ್ಕಾಗಿ ಒಂದಲ್ಲಾ ಒಂದು ಉದ್ಯೋಗ ಮಾಡಲು ಮುಂದಾಗಿದ್ದಾರೆ. ಹಾಸನದಲ್ಲಿ ಬಿರಿಯಾನಿ ಕಾರ್ನರ್ ಆರಂಭಿಸಿದ್ದವರೊಬ್ಬರು, ಈಗ ಸಸ್ಯಕಾಶಿ ತೆರೆದಿದ್ದಾರೆ.

ಹಾಸನ:ಕೊರೊನಾ ಎಂಬ ಹೆಮ್ಮಾರಿ ಜಿಲ್ಲೆಗೆ ಕಾಲಿಟ್ಟ ಬಳಿಕ ಕೆಲವರ ಬದುಕನ್ನೇ ಬದಲಾಯಿಸಿದೆ. ತಮ್ಮ ಬದುಕಿಗಾಗಿ ಕೆಲವೊಂದು ವ್ಯಾಪಾರ ಮಾಡುತ್ತಿದ್ದವರು ಪರ್ಯಾಯ ಮಾರ್ಗ ಕಂಡುಕೊಳ್ಳುತ್ತಿದ್ದಾರೆ.

ಜನವರಿಯಲ್ಲಿ ಪ್ರಾರಂಭವಾಗಿದ್ದ ನಗರದ ಫೇಮಸ್ ಬಿರಿಯಾನಿ ಕಾರ್ನರ್ ಈಗ ಕೊರೊನಾದಿಂದ ಮೂರು ತಿಂಗಳು ಮುಚ್ಚಿತ್ತು. ಹೀಗಾಗಿ ಆ ಬಿರಿಯಾನಿ ಅಂಗಡಿಯ ಮಾಲೀಕ ರಮೇಶ್ ಮತ್ತು ಅವರ ಮಗ ರಂಜಿತ್ ಹೊಸದೊಂದು ಪರ್ಯಾಯ ಮಾರ್ಗ ಕಂಡುಕೊಂಡಿದ್ದಾರೆ.

ಕಳೆದ ತಿಂಗಳು ಹಾಸನದ ಜಿಲ್ಲಾಧಿಕಾರಿ ಜಿಲ್ಲೆಯಲ್ಲಿ ಲಾಕ್​ಡೌನ್​ ಸಡಿಲಿಕೆ ಮಾಡಿದ ಹಿನ್ನೆಲೆಯಲ್ಲಿ, ಮತ್ತೆ ಬಿರಿಯಾನಿ ಕಾರ್ನರ್ ನಡೆಸಲು ಸಾಧ್ಯವಾಗದೇ ಸಸ್ಯಕಾಶಿ ಮಾಡುವ ಮೂಲಕ ಪರ್ಯಾಯ ಉದ್ಯೋಗದ ಮೂಲಕ ಬದುಕು ಕಟ್ಟಿಕೊಳ್ಳಲು ಮುಂದಾಗಿದ್ದಾರೆ. ಇವರೊಂದಿಗೆ ನಮ್ಮ ಹಾಸನದ ಪ್ರತಿನಿಧಿ ಸುನೀಲ್​ ಕುಂಭೇನಹಳ್ಳಿ ನಡೆಸಿರುವ ಚಿಟ್​​ಚಾಟ್​ ಇಲ್ಲಿದೆ.