ಹಾಸನ: ರಾಜ್ಯದ ಬೇರೆ ಕಡೆ ಜನರು ಗುಂಪು ಗೂಡಿದರೆ ಕೋವಿಡ್ ಕಾನೂನು ಉಲ್ಲಂಘನೆ ಎಂದು ಹೇಳುವ ಇವರು. ಆರ್.ಆರ್. ನಗರ ಮತ್ತು ಶಿರಾದಲ್ಲಿ ಕೊರೊನಾ ಇರಲಿಲ್ಲವೆ? ಕೋವಿಡ್ ನಿಯಮಗಳು ಇವರಿಗೆ ಅನ್ವಯಿಸುವುದಿಲ್ಲವೆ ಎಂದು ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆಯ ರಾಜ್ಯಾಧ್ಯಕ್ಷ ಕೋಡಿಹಳ್ಳಿ ಚಂದ್ರಶೇಖರ್ ರಾಜಕೀಯ ಪಕ್ಷಗಳಿಗೆ ಪ್ರಶ್ನಿಸಿದರು.
ನಗರದ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್‌ ಭವನದಲ್ಲಿ ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆ ವತಿಯಿಂದ ಏರ್ಪಡಿಸಿದ್ದ ರೈತ ಮುಖಂಡ ಕೋವಿ ಬಾಬಣ್ಣ, ಮೇಳೇನಹಳ್ಳಿ ನಾಗರಾಜ್ ಹಾಗೂ ಹಳೆಬೀಡಿನ ಮಲ್ಲಿಕಾರ್ಜುನ್‌ ಅವರ ಶ್ರದ್ಧಾಂಜಲಿ ಸಭೆಯಲ್ಲಿ ಮಾತನಾಡಿ, ಕೊರೊನಾ ವೈರಸ್ಗೆ ಭಯ ಬೀಳುವ ಅವಶ್ಯಕತೆ ಇಲ್ಲ. ಶೀತ ಪ್ರದೇಶಗಳಾದ ಚೈನಾ, ಅಮೇರಿಕಾಗಳಲ್ಲಿ ಪ್ರತಿ ವರ್ಷ ಶೀತದಿಂದಲೇ ಎರಡು ಲಕ್ಷ ಜನರು ಸಾವನಪ್ಪುತ್ತಿದ್ದಾರೆ. ಕೋವಿಡ್ ಎನ್ನುವುದು ಶೀತವನ್ನು ಉತ್ಪತ್ತಿ ಮಾಡುವ ವೈರಾಣುವಾಗಿದೆ. ಕೋವಿಡ್ ನಿಯಮಗಳನ್ನು ಪಾಲಿಸಿದರೆ ಸಾಕು ಎಂದರು.
ಶ್ರದ್ದಾಂಜಲಿ ಸಭೆಯಲ್ಲಿ ಮಾತನಾಡಿದ ಕೋಡಿಹಳ್ಳಿ ಚಂದ್ರಶೇಖರ್