ಹಾಸನ :ರಮೇಶ್ ಜಾರಕಿಹೊಳಿ ತನಿಖೆ ಮುಗಿಯುವವರೆಗೂ ರಾಜೀನಾಮೆ ನೀಡಬೇಕಾಗುತ್ತದೆ. ತನಿಖೆಯಲ್ಲಿ ಆರೋಪ ಸಾಬೀತಾಗದಿದ್ದರೇ ಮಂತ್ರಿಯಾಗಿಯೇ ಮುಂದುವರೆಯಲಿ. ಈಗ ಅವರ ಮೇಲಿನ ಆರೋಪದಿಂದ ರಾಜೀನಾಮೆ ಕೊಟ್ಟಿರುವುದು ಸೂಕ್ತವಾಗಿದೆ ಎಂದು ಶ್ರವಣಬೆಳಗೊಳದ ಜೆಡಿಎಸ್ ಶಾಸಕ ಸಿ.ಎನ್.ಬಾಲಕೃಷ್ಣ ಅಭಿಪ್ರಾಯಪಟ್ಟರು.
ಶಾಸಕ ಬಾಲಕೃಷ್ಣ
ತನಿಖೆಯಲ್ಲಿ ಮಂತ್ರಿಯ ಮೇಲಿನ ಆರೋಪ ಸಾಬೀತಾಗದಿದ್ದರೇ ಮಂತ್ರಿಯಾಗಿಯೇ ಉಳಿಯಲಿ. ಆದರೆ ಇದು ರಾಜಕೀಯ ವಲಯಕ್ಕೆ ಮುಜುಗರ ತರುವಂತಹುದ್ದು. ರಾಜಕಾರಣಿಗಳಿಗೆ ಇಂತಹ ವಿಚಾರ ಎಚ್ಚರಿಕೆಯ ಗಂಟೆ ಇದ್ದಂತೆ. ಜನರು ನಮ್ಮನ್ನು ಆಶೀರ್ವದಿಸಿ ಕಳುಹಿಸಿರುತ್ತಾರೆ. ಇಂತಹ ವಿಚಾರ ಸಾರ್ವಜನಿಕ ವಲಯದಲ್ಲಿ ಬೇಸರ ತರುತ್ತದೆ. ಮುಖ್ಯಮಂತ್ರಿಗಳು ಸದನದಲ್ಲಿ ಈ ವಿಚಾರವಾಗಿ ಉತ್ತರ ನೀಡಬೇಕಾಗುತ್ತದೆ ಎಂದರು.