ಅರಕಲಗೂಡು: ವಿದ್ಯುತ್​​ ಶಾರ್ಟ್​​ ಸರ್ಕ್ಯೂಟ್​ನಿಂದ 60 ಮನೆಗಳ ಗೃಹೋಪಯೋಗಿ ವಸ್ತುಗಳಿಗೆ ಹಾನಿ!

ವಿದ್ಯುತ್​​ ಶಾರ್ಟ್​ ಸರ್ಕ್ಯೂಟ್ ಆಗಿ ಅರಕಲಗೂಡಿನ ಗ್ರಮವೊಂದರಲ್ಲಿ ಸುಮಾರು 60 ಮನೆಗಳಲ್ಲಿನ ಗೃಹೋಪಯೋಗಿ ವಸ್ತುಗಳು ಹಾನಿಗೊಳಗಾಗಿವೆ.

ಅರಕಲಗೂಡು (ಹಾಸನ):ವಿದ್ಯುತ್​​ ಶಾರ್ಟ್​ ಸರ್ಕ್ಯೂಟ್​​ ಆಗಿ ಸುಮಾರು 60 ಮನೆಗಳಲ್ಲಿನ ಗೃಹೋಪಯೋಗಿ ವಸ್ತುಗಳು ಹಾನಿಗೊಳಗಾದ ಘಟನೆ ತಾಲೂಕಿನ ಹಂಡ್ರಂಗಿ ಗ್ರಾಮದಲ್ಲಿ ನಡೆದಿದೆ.

ಗ್ರಾಮದ ಹೈಸ್ಕೂಲ್ ಬೀದಿಯಲ್ಲಿರುವ ಮನೆಗಳಲ್ಲಿನ ಟಿವಿ, ಫ್ಯಾನ್, ಮಿಕ್ಸಿಗಳು ಹಾಗೂ 22 ಟಿವಿ, 20 ಸೆಟ್ ಟಾಪ್ ಬಾಕ್ಸ್, 4 ಮಿಕ್ಸಿ, ಫ್ರಿಡ್ಜ್​ ಮತ್ತು ಬಲ್ಬುಗಳು ಸುಟ್ಟು ಹೋಗಿವೆ. ಮನೆಗಳಿಗೆ ವಿದ್ಯುತ್ ಸಂಪರ್ಕ ನೀಡಿರುವ ಲೈನ್​​ನ ನ್ಯೂಟ್ರಲ್​ನಲ್ಲಿಯೂ ವಿದ್ಯುತ್ ಪ್ರವಹಿಸುತ್ತಿರುವ ವಿಷಯವನ್ನು ಸೆಸ್ಕ್​​ ಸಿಬ್ಬಂದಿ ಗಮನಕ್ಕೆ ತಂದರೂ ನಿರ್ಲಕ್ಷ್ಯ ತೋರಿರುವುದೇ ಘಟನೆಗೆ ಕಾರಣ ಎಂದು ಗ್ರಾಮಸ್ಥರು ಆರೋಪಿಸಿದ್ದಾರೆ.

ವಿದ್ಯುತ್ ಅವಘಡಕ್ಕೆ ವಾಸ್ತವ ಕಾರಣವೇನು ಎಂಬುದನ್ನು ಪರಿಶೀಲಿಸಿಲು ವಿದ್ಯುತ್ ಪರಿವೀಕ್ಷಕರಿಗೆ ತಿಳಿಸಿದ್ದು, ವರದಿಯನ್ನು ಆಧರಿಸಿ ಕ್ರಮ ಕೈಗೊಳ್ಳಲಾಗುವುದು ಎಂದು ಸೆಸ್ಕ್ ಸಹಾಯಕ ಕಾರ್ಯಪಾಲಕ ಎಂಜಿನಿಯರ್ ಚಿನ್ನಸ್ವಾಮಿ ತಿಳಿಸಿದರು.