ಕೊರೊನಾ ಭೀತಿ ನಡುವೆಯೂ ಹಾಸನದಲ್ಲಿ ಜೆಡಿಎಸ್​​​ ಮುಖಂಡರಿಂದ ಪ್ರತಿಭಟನೆ

ಕೊರೊನಾ ಭೀತಿ ನಡುವೆಯೂ ಹಾಸನ ಜೆಡಿಎಸ್​ ನಾಯಕರು ಶಾಸಕ ಪ್ರೀತಮ್​ ವಿರುದ್ಧ ಪ್ರತಿಭಟನೆ ನಡೆಸಿದ್ದಾರೆ. ಪ್ರತಿಭಟನೆ ವೇಳೆ ಸಾಮಾಜಿಕ ಅಂತರ ಪಾಲನೆ ಆಗದಿರುವುದು ಕಂಡು ಬಂತು.

ಹಾಸನ: ಪ್ರಪಂಚವೇ ಕೊರೊನಾ ಭೀತಿಯಲ್ಲಿರುವಾಗ ನಗರದ ಪೆನ್ಷನ್​ ಮೊಹಲ್ಲಾ ರಸ್ತಯೆಲ್ಲಿ ಜೆಡಿಎಸ್ ಸ್ಥಳೀಯ ನಾಯಕರು ಸಾಮಾಜಿಕ ಅಂತರ ಪಾಲಿಸದೆ ಉಳುಮೆ ಮಾಡುವ ಮೂಲಕ ಪ್ರತಿಭಟನೆ ನಡೆಸಿದರು.

ಜೆಡಿಎಸ್ ಮುಖಂಡ ಅಗಿಲೆ ಯೋಗೇಶ್, ಶಾಸಕ ಪ್ರೀತಮ್ ಗೌಡ ವಿರುದ್ಧ ಪ್ರತಿಭಟನೆ ನಡೆಸುವ ಭರದಲ್ಲಿ 144 ಸೆಕ್ಷನ್​ ಉಲ್ಲಂಘಸಿದರು. ಈ ಹಿಂದೆ ಮಾರ್ಕೆಟ್ ಅಂಗಡಿ ಹಂಚಿಕೆ ವಿಚಾರದಲ್ಲಿ ಪ್ರೀತಮ್ ಗೌಡ ನಿರೂದ್ಯೋಗಿ ರಾಜಕೀಯ ಮಂದಿ ಟೀಕೆ ಮಾಡ್ತಾರೆ ಎಂದು ಹೇಳಿಕೆ ನೀಡಿದ್ದರು‌.

ಈ ಹಿನ್ನೆಲೆಯಲ್ಲಿ ಅಗಿಲೆ ಯೋಗೇಶ್ ಹಾಗೂ ತಾಲೂಕು ಜೆಡಿಎಸ್ ಅಧ್ಯಕ್ಷ ಎಸ್.ದೇವೇಗೌಡ ಮತ್ತು ಕಾರ್ಯಕರ್ತರು ಕೊರೊನಾ ಭೀತಿ ನಡುವೆಯೂ ಜೋಳ ಬಿತ್ತನೆ ಮಾಡುವ ಮೂಲಕ ಪ್ರತಿಭಟನೆ ನಡೆಸಿದರು. ಮಧ್ಯಪ್ರವೇಶಿಸಿದ ಪೊಲೀಸರು, ಪ್ರತಿಭಟನೆ ನಿಲ್ಲಿಸಿ ರೈತರು ಮತ್ತು ಎತ್ತುಗಳನ್ನು ವಶಕ್ಕೆ ಪಡೆದರು.