ಹಾಸನ:ಜಿಲ್ಲೆಯಲ್ಲಿಂದು ಬರೋಬ್ಬರಿ 358 ಜನರಿಗೆ ಕೊರೊನಾ ಸೋಂಕು ದೃಢಪಟ್ಟಿದ್ದು, ಸೋಂಕಿತರ ಸಂಖ್ಯೆ 7,214ಕ್ಕೆ ಏರಿಕೆಯಾಗಿದೆ ಎಂದು ಪ್ರಭಾರಿ ಆರೋಗ್ಯಾಧಿಕಾರಿ ಡಾ.ಕಾಂತರಾಜ್ ತಿಳಿಸಿದ್ದಾರೆ.
ಈ ಕುರಿತು ಮಾಹಿತಿ ನೀಡಿದ ಅವರು, ಇಂದು ಆಲೂರು-7, ಅರಕಲಗೂಡು-66, ಅರಸೀಕೆರೆ 50, ಬೇಲೂರು 41, ಚನ್ನರಾಯಪಟ್ಟಣ 36, ಹಾಸನ 130, ಹೊಳೆನರಸೀಪುರ 17, ಸಕಲೇಶಪುರ-7, ಇತರೆ 4 ಪ್ರಕರಣಗಳು ದಾಖಲಾಗಿವೆ. ಇಬ್ಬರು ಕೊರೊನಾಕ್ಕೆ ಬಲಿಯಾಗಿದ್ದು, ಮೃತರ ಸಂಖ್ಯೆ 177ಕ್ಕೆ ಏರಿಕೆಯಾಗಿದೆ.
ಜೊತೆಗೆ 167 ಮಂದಿ ಸಂಪೂರ್ಣ ಗುಣಮುಖರಾಗಿ ಡಿಸ್ಚಾರ್ಜ್‌ ಆಗಿದ್ದು, ಈವರೆಗೆ ಒಟ್ಟು 4,782 ಜನರು ಗುಣಮುಖರಾಗಿದ್ದಾರೆ. 2,255 ಸಕ್ರಿಯ ಪ್ರಕರಣಗಳಿದ್ದು, ಕೋವಿಡ್‌ ಆರೈಕೆ ಕೇಂದ್ರಗಳಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ತೀವ್ರ ನಿಗಾ ಘಟಕದಲ್ಲಿ 57 ಜನ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದರು.
ತಾಲೂಕುವಾರು ಒಟ್ಟು ಸೋಂಕಿತರು:
ಆಲೂರು 208, ಅರಕಲಗೂಡು 680, ಅರಸೀಕೆರೆ 989, ಬೇಲೂರು 581, ಚನ್ನರಾಯಪಟ್ಟಣ 959, ಹಾಸನ 2,902, ಹೊಳೆನರಸೀಪುರ 644, ಸಕಲೇಶಪುರ 202 ಹಾಗೂ ಇತರೆ 49 ಪ್ರಕರಣಗಳು ಪತ್ತೆಯಾಗಿವೆ.