ಹಾಸನ:ಮೊದಲ ಬಾರಿಗೆ ಹಾಸನದಲ್ಲಿ ದಸರಾ ಮಾದರಿಯಲ್ಲಿಯೇ ಹಾಸನಾಂಬೆ ದೇವಿ ಮೂಲಸ್ಥಾನ ಸೇರಿದಂತೆ, ಈ ಬಾರಿ ಸಪ್ತಮಾತೃಕೆಯರ ಸ್ತಬ್ಧಚಿತ್ರವನ್ನು ನಿರ್ಮಾಣ ಮಾಡಲಾಗಿದೆ. ಆ ಟ್ಯಾಬ್ಲೋಗೆ ಜಿಲ್ಲಾ ಉಸ್ತುವಾರಿ ಸಚಿವ ಮಾಧುಸ್ವಾಮಿ ಚಾಲನೆ ನೀಡಿದರು.
ದಸರಾ ಮಾದರಿಯಲ್ಲಿಯೇ ಪ್ರಮುಖ ರಸ್ತೆಗಳಲ್ಲಿ ಸಾಗಿ ಎಲ್ಲರ ಗಮನ ಸೆಳೆದಿದ್ದು, ಜಿಲ್ಲಾಡಳಿತ ಮಾಡಿರುವ ಹೊಸ ಪ್ರಯತ್ನಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದರು. ಸ್ತಬ್ಧಚಿತ್ರ ಅಷ್ಟೇ ಅಲ್ಲದೆ ಸಾಂಪ್ರದಾಯಿಕ ಜನಪದ ನೃತ್ಯ ಕಲೆಗಳ ಪ್ರದರ್ಶನ, ಸೋಮನ ಕುಣಿತ, ನಂದಿ ಕೋಲು, ವೀರಗಾಸೆ, ತಮಟೆ ನೃತ್ಯ, ಕೀಲು ಕುದುರೆ, ಮಹಿಳೆ ಮತ್ತು ಪುರುಷರ ಕೋಲಾಟ, ಚಿಟ್ಟಿ ಮೇಳ, ಕಂಸಾಳೆ ಸೇರಿದಂತೆ ಜಿಲ್ಲೆಯ ವಿವಿಧ ಕಲಾ ತಂಡಗಳು ಹಾಸನಾಂಬೆ ದೇವಸ್ಥಾನದಿಂದ ಮೆರವಣಿಗೆ ಹೊರಟು ನಗರದ ಮುಖ್ಯ ರಸ್ತೆಗಳ ಮೂಲಕ ಕಲಾ ಭವನದವರೆಗೂ ವೈಭೋವೋಪಿತವಾಗಿ ಸಾಗಿ ಭಕ್ತಗಣದ ಮನಸೂರೆಗೊಳಿಸಿದವು.
ಹಾಸನಾಂಬೆ ಜಾತ್ರೆ ಪ್ರಾರಂಭ