ಹಾಸನ: ಮಹಿಳೆಯೊಬ್ಬರು ರಂಗೋಲಿ ಹಾಕುವ ವೇಳೆ ಕಳ್ಳನೋರ್ವ ಮಹಿಳೆಯ ಸರ ಕಸಿದುಕೊಂಡು ಹೋದ ಘಟನೆ ಜಿಲ್ಲೆಯಲ್ಲಿ ನಡೆದಿದೆ.
ಜಿಲ್ಲೆಯ ಹೊಳೆನರಸೀಪುರ ಪಟ್ಟಣದ ಅಕ್ಕಿ ಕುರುಬರ ಬೀದಿಯಲ್ಲಿ ಸರಸ್ವತಿ ಎನ್ನುವವರು ರಂಗೋಲಿ ಹಾಕುತ್ತಿದ್ದರು. ಆ ವೇಳೆ ಖತರ್ನಾಕ್ ಕಳ್ಳನೋರ್ವ ಎರಡು ಮೂರು ಬಾರಿ ಅತ್ತ ಇತ್ತ ಓಡಾಡಿ ನಂತರ ಏಕಾಏಕಿ ಮಹಿಳೆಯ ಕುತ್ತಿಗೆಗೆ ಕೈಹಾಕಿ ಸರ ಕಿತ್ತುಕೊಳ್ಳಲು ಪ್ರಯತ್ನ ಮಾಡಿದ್ದಾನೆ. ಮಹಿಳೆ ಕಿರುಚಲು ಪ್ರಾರಂಭಿಸಿದಾಗ ಕತ್ತಿಗೆ ಕೈಹಾಕಿ, ಬಿಗಿಯಾಗಿ ಬಾಯಿ ಮುಚ್ಚಿಸಿ ಬಳಿಕ ಕತ್ತಿನಲ್ಲಿದ್ದ ಮಾಂಗಲ್ಯ ಸರವನ್ನು ಕಿತ್ತುಕೊಂಡು ಪರಾರಿಯಾಗಿದ್ದಾನೆ.
ಹಾಸನದಲ್ಲಿ ಸರ ಗಳ್ಳತನ