ನಿಯಂತ್ರಣ ತಪ್ಪಿ ಮನೆಗೆ ನುಗ್ಗಿದ ಕ್ಯಾಂಟರ್​

ಗ್ರಾಹಕರೊಬ್ಬರಿಗೆ ಸೌದೆ ಪೂರೈಸಲು ತೆರಳುತ್ತಿದ್ದ ಕ್ಯಾಂಟರ್​ವೊಂದು ನಿಯಂತ್ರಣ ತಪ್ಪಿ ಮನೆಗೆ ನುಗ್ಗಿದೆ.

ಹಾಸನ:ಚಾಲಕನ ನಿಯಂತ್ರಣ ತಪ್ಪಿದ ಕ್ಯಾಂಟರ್​ ಮನೆಯೊಂದಕ್ಕೆ ನುಗ್ಗಿರುವ ಘಟನೆ ತಾಲೂಕಿನ ಚನ್ನಂಗಿಹಳ್ಳಿ ಗ್ರಾಮದಲ್ಲಿ ರಾತ್ರಿ ನಡೆದಿದೆ.‌

ಗ್ರಾಮದ ನಿಂಗೇಗೌಡ ಎಂಬುವರ ಮನೆಯ ಗೋಡೆಗಳು ಸಂಪೂರ್ಣ ಜಖಂಗೊಂಡಿದ್ದು, ಅದೃಷ್ಟವಶಾತ್ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ. ಸೌದೆ ತುಂಬಿಕೊಂಡು ತೆರಳುತಿದ್ದ ಕೇರಳ ನೋಂದಣಿಯ ವಾಹನ ಇದಾಗಿದ್ದು, ಕ್ರೇನ್ ಮೂಲಕ ತೆರವು ಕಾರ್ಯಾಚರಣೆ ಮಾಡಲಾಗಿದೆ.