ಹಾಸನ : ತಮ್ಮ ಜಮೀನಿನಲ್ಲಿ ಅಕ್ರಮವಾಗಿ ಜೆಸಿಬಿ ಯಂತ್ರದ ಮೂಲಕ ಮಣ್ಣು ತೆಗೆಯುವುದನ್ನು ಪ್ರಶ್ನಿಸಿದ ಅರಕೆರೆ ಗ್ರಾಮದ ದಲಿತ ಯುವಕರಿಬ್ಬರನ್ನು ಶುಕ್ರವಾರ ಸಂಜೆ ದೇವಾಲಯದ ಕಂಬಕ್ಕೆ ಕಟ್ಟಿಹಾಕಿ, ಹಲ್ಲೆ ನಡೆಸಿರುವ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.
ಎರಡು ಸಮುದಾಯದವರ ನಡುವೆ ಗಲಾಟೆ
ಅರಕೆರೆ ಗ್ರಾಮದ ನಾಗಮ್ಮ ಸಿದ್ದಯ್ಯ ಎಂಬವರು ಪಕ್ಕದ ಬೆಳುವಳ್ಳಿ ಗ್ರಾಮದ ಕೆರೆಯಂಗಳ ಸಮೀಪವಿರುವ ಜಮೀನನ್ನು ಸುಮಾರು 35 ವರ್ಷಗಳಿಂದ ಉಳುಮೆ ಮಾಡುತ್ತಿದ್ದಾರೆ. ಈ ಜಮೀನಿನಲ್ಲಿ ಅದೇ ಗ್ರಾಮದ ಕೆಲವರು ಹಲವು ದಿನಗಳಿಂದ ಜೆಸಿಬಿ ಯಂತ್ರದ ಮೂಲಕ 50 ಟ್ರಾಕ್ಟರ್‌ ಮಣ್ಣು ತುಂಬಿಕೊಂಡು ಹೋಗುತ್ತಿದ್ದರು. ನಾಗಮ್ಮ, ಸಿದ್ದಯ್ಯ ಅವರ ಮಕ್ಕಳಾದ ಹರೀಶ್ ಮತ್ತು ಅಣ್ಣಯ್ಯ ಸ್ಥಳಕ್ಕೆ ಹೋಗಿ, ಮಣ್ಣು ತುಂಬುವುದನ್ನು ತಡೆಯಲು ಮುಂದಾಗಿದ್ದಾರೆ. ಆಗ ಎರಡು ಕಡೆಯವರ ನಡುವೆ ಮಾತಿನ ಚಕಮಕಿ ನಡೆದು, ಯುವಕರ ಮೇಲೆ ಹಲ್ಲೆ ನಡೆಸಲಾಗಿದೆ.