ಗದಗ:ಮನೆಗಳಲ್ಲಿ ಲಕ್ಷಾಂತರ ಮೌಲ್ಯದ ಚಿನ್ನಾಭರಣ ಲೂಟಿ ಮಾಡಿದ್ದ ಕಳ್ಳರನ್ನು ಬೇಟೆಯಾಡಿ ಚಿನ್ನಾಭರಣ, ನಗದು ಜಪ್ತಿ ಮಾಡಿದ ಪೊಲೀಸರು 'ಪ್ರಾಪರ್ಟಿ ಪರೇಡ್'ನಲ್ಲಿ ಚಿನ್ನಾಭರಣ ಮಾಲೀಕರಿಗೆ ಹಸ್ತಾಂತರ ಮಾಡಿದ್ದಾರೆ.
ಗದಗದಲ್ಲಿ ಪ್ರಾಪರ್ಟಿ ಪರೇಡ್
ಗದಗ ನಗರದ ಸಂಭಾಪೂರ ರಸ್ತೆಯ ಪೊಲೀಸ್ ಸಭಾಭವನದಲ್ಲಿ ಪ್ರಾಪರ್ಟಿ ಪರೇಡ್‌ನಲ್ಲಿ ಮಾಲೀಕರಿಗೆ ಚಿನ್ನಾಭರಣ ನೀಡಲಾಗಿದೆ. ಗದಗ ಜಿಲ್ಲೆಯಲ್ಲಿ ಆರು ತಿಂಗಳಲ್ಲಿ 77 ಕಳ್ಳತನ, ಮೋಸ ಪ್ರಕರಣಗಳು ಪೊಲೀಸರು ಪತ್ತೆ ಹಚ್ಚಿದ್ದಾರೆ. 89 ಆರೋಪಿಗಳನ್ನು ವಶಕ್ಕೆ ಪಡೆದಿದ್ದಾರೆ. ಒಟ್ಟು ಮೊತ್ತ 81 ಲಕ್ಷ 27 ಸಾವಿರ 590 ರೂಪಾಯಿ ಮೌಲ್ಯದ ವಸ್ತುಗಳನ್ನು ಕಳ್ಳತನ ಮಾಡಲಾಗಿತ್ತು. ಜಿಲ್ಲೆಯ ಪೊಲೀಸರು ಪ್ರಕರಣಗಳನ್ನು ಪತ್ತೆ ಹಚ್ಚಿ ಒಟ್ಟು 64 ಲಕ್ಷ 55 ಸಾವಿರ 99 ರೂಪಾಯಿ ಮೌಲ್ಯದ ಚಿನ್ನಾಭರಣ, ಬೆಳ್ಳಿ ವಸ್ತುಗಳು, ವಾಹನಗಳನ್ನು ವಶಪಡಿಸಿಕೊಂಡಿದ್ದಾರೆ.