ಅವ್ಯವಸ್ಥೆಯ ಆಗರವಾದ ಕೋವಿಡ್​ ಕೇಂದ್ರ : ವಿಡಿಯೋ ಹರಿಬಿಟ್ಟ ಸೋಂಕಿತರು

ಗದಗ ಜಿಲ್ಲೆ ನರಗುಂದ ತಾಲೂಕಿನ ಬೆನಕೊಪ್ಪದಲ್ಲಿರುವ ಕೋವಿಡ್​ ಕೇಂದ್ರ ಅವ್ಯವಸ್ಥೆಯಿಂದ ಕೂಡಿದ್ದು. ಜಿಲ್ಲಾಡಳಿತದ ವಿರುದ್ಧ ಸೋಂಕಿತರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಗದಗ: ನರಗುಂದ ತಾಲೂಕಿನ ಬೆನಕೊಪ್ಪದ ಕೋವಿಡ್​ ಕೇಂದ್ರ ಅವ್ಯವಸ್ಥೆಯ ಆಗರವಾಗಿದ್ದು, ರೋಸಿ ಹೋಗಿರುವ ಸೋಂಕಿತರು ವಿಡಿಯೋ ಮಾಡಿ ಹರಿಬಿಟ್ಟಿದ್ದಾರೆ.

ಕೋವಿಡ್​ ಕೇಂದ್ರದಲ್ಲಿ ನೂರಾರು ಕೊರೊನಾ ಸೋಂಕಿತರಿದ್ದಾರೆ. ಇಲ್ಲಿ ಸರಿಯಾದ ಊಟೋಪಚಾರ, ಬೆಡ್​, ನೀರು, ಶೌಚಾಲದಯ ವ್ಯವಸ್ಥೆಗಳಿಲ್ಲ. ಇರುವ ಶೌಚಾಲಯಗಳು ಸ್ಚಚ್ಚಗೊಳಿಸದೆ ಗಬ್ಬೆದ್ದು ನಾರುತ್ತಿದೆ. ಇನ್ನು ಶೌಚಾಲಯ, ಸ್ನಾನ ಗೃಹಗಳಿಗೆ ಬಾಗಿಲುಗಳು ಇಲ್ಲದೆ ಮಹಿಳೆಯರ ಪಾಡು ಹೇಳ ತೀರದ್ದಾಗಿದೆ.

ಈ ಕುರಿತು ತಹಶೀಲ್ದಾರ್​ ಗಮನಕ್ಕೆ ತಂದರೂ ಯಾವುದೇ ಪ್ರಯೋಜನವಾಗಿಲ್ಲ. ಇಲ್ಲಿ ಇದ್ದರೆ ನಾವು ಗುಣಮುಖರಾಗುವುದಾದರೂ ಹೇಗೆ ಎಂದು ಸೋಂಕಿತರು ಆಕ್ರೋಶ ವ್ಯಕ್ತಪಡಿಸಿದ್ದು. ಅವ್ಯವಸ್ಥೆಯ ಕುರಿತು ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣಗಳಲಲ್ಲಿ ಹರಿಬಿಟ್ಟಿದ್ದಾರೆ.