ಗದಗ: ಜಿಮ್ಸ್​ನಲ್ಲೂ ಬೆಡ್​ ಸಮಸ್ಯೆ, ರೋಗಿಗಳ ಪರದಾಟ

ಗದಗ ಜಿಲ್ಲೆಯ ಜಿಮ್ಸ್​ ಆಸ್ಪತ್ರೆಯಲ್ಲೂ ಹಲವಾರು ಸಮಸ್ಯೆಗಳು ಇವೆ ಎಂಬ ಆರೋಪ ಕೇಳಿ ಬಂದಿದೆ. ಆದರೆ ಜಿಲ್ಲಾಡಳಿತ ಮಾತ್ರ ಸಮಜಾಯಿಷಿ ನೀಡುತ್ತಿದೆ.

ಗದಗ: ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಿದ್ದಂತೆ ಜಿಮ್ಸ್ ಆಸ್ಪತ್ರೆಯಲ್ಲಿ ನಾನಾ‌ ಸಮಸ್ಯೆಗಳು ಎದುರಾಗುತ್ತಿವೆ.

ಒಂದೆಡೆ ಜಿಲ್ಲಾಡಳಿತ ನಮ್ಮಲ್ಲಿ ಆಕ್ಸಿಜನ್, ವೆಂಟಿಲೇಟರ್, ರೆಮ್ಡಿಸಿವಿರ್, ಬೆಡ್ ಯಾವುದೇ ಸಮಸ್ಯೆಗಳಿಲ್ಲ ಎಂದು ಹೇಳಿಕೊಳ್ಳುತ್ತಿದೆ. ಆದರೆ ಜಿಮ್ಸ್ ಆಸ್ಪತ್ರೆಯಲ್ಲಿ ಆಕ್ಸಿಜನ್ ಹಾಗೂ ವೆಂಟಿಲೇಟರ್ ಬೆಡ್​ಗಳು ಫುಲ್ ಆಗಿವೆ.

ಜಿಮ್ಸ್​ಗೆ ಬರುವ ರೋಗಿಗಳು ಬೆಡ್ ಸಿಗದೆ ಪರದಾಡುತ್ತಿದ್ದಾರೆ. ಜಿಮ್ಸ್​ನಲ್ಲಿ 358 ಬೆಡ್ ವ್ಯವಸ್ಥೆ ಮಾಡಲಾಗಿದೆ. ಅದರಲ್ಲಿ ಒಟ್ಟು 58 ಬೆಡ್​ಗಳಲ್ಲಿ 20 ಆಕ್ಸಿಜನ್, 38 ವೆಂಟಿಲೇಟರ್ ಬೆಡ್​ಗಳು ಇವೆ. ಆದರೆ ನೂರಾರು ರೋಗಿಗಳಿಗೆ ವೆಂಟಿಲೇಟರ್ ಅವಶ್ಯಕತೆ ಇದೆ. ಜಿಲ್ಲಾಡಳಿತ ಮಾತ್ರ ಸಮಜಾಯಿಷಿ ನೀಡುತ್ತಿದೆ ಎನ್ನಲಾಗಿದೆ.