ರಾಹುಲ್ ಗಾಂಧಿ ಹಗಲಿನಲ್ಲಿ ಎಲ್ಲಿಯಾದ್ರೂ ಏನಾದ್ರೂ ತಿಂದು ಬರಲೆಂದು ಬಿಟ್ಟ ದನ ಇದ್ದಂತೆ- ಕಾರಜೋಳ

ರಾಹುಲ್ ಗಾಂಧಿ ಸೆರೆ ಹಿಡಿದ (ಕೈ ಬಿಟ್ಟ) ದನ ಇದ್ದ ಹಾಗೆ, ಬೇಸಿಗೆ ಕಾಲದಲ್ಲಿ ಎಲ್ಲಾದ್ರೂ, ಏನಾದ್ರೂ ತಿಂದು ಬರಲೆಂದು ಬಿಟ್ಟ ದನ ಇದ್ದಂತೆ. ಬೆಳಗ್ಗೆ ಬಿಟ್ಟರೆ ಎಲ್ಲಾ ಕಡೆ ತಿರುಗಾಡಿ ಸಂಜೆ ಮನೆ ಸೇರಿದಂತೆ ರಾಹುಲ್ ಗಾಂಧಿ ಎಲ್ಲಿ ಹೋದರು, ಯಾಕೆ ಹೋದರು? ಅಂತಾ ಹಿಡಿಯೊರೇ ಇಲ್ಲ..

ಗದಗ :ಪೈಲ್ವಾನ್ ಓರ್ವ ಹಾಲು, ಮೊಸರಿಗಾಗಿ ಮೀಸೆ ಬೋಳಿಸಿಕೊಂಡಂತೆ ಸಿಎಂ ಸ್ಥಾನಕ್ಕಾಗಿ ಕಾಂಗ್ರೆಸ್​​ನೊಳಗೆ ಕನಸು ಕಾಣ್ತಿದ್ದಾರೆ ಎಂದು ಡಿಸಿಎಂ ಗೋವಿಂದ ಕಾರಜೋಳ ವ್ಯಂಗ್ಯ ಮಾಡಿದ್ದಾರೆ.

ನಗರದಲ್ಲಿ ನಡೆದ ಜನ ಸೇವಕ ಸಮಾವೇಶದಲ್ಲಿ ಮಾತನಾಡಿದ ಅವರು, ಕಾಂಗ್ರೆಸ್‌ನಲ್ಲಿ ಮುಖ್ಯ ಮಂತ್ರಿಗಳಾಗಲು ಒಳಗೊಳಗೆ ಕಚ್ಚಾಡುತ್ತಿದ್ದಾರೆ ಎಂದ ಅವರು, ಡಿಕೆಶಿ, ಸಿದ್ದರಾಮಯ್ಯ, ಜಿ.ಪರಮೇಶ್ವರ್​ ಕುರಿತು ವ್ಯಂಗ್ಯದ ಕಥೆ ಹೇಳಿದರು.

ಮೀಸೆ ಬೋಳಿಸಿಕೊಳ್ಳುವ ಸ್ಥಿತಿ ಮುಖ್ಯಮಂತ್ರಿ ಆಕಾಂಕ್ಷಿಗಳಿಗೆ ಬರುತ್ತೆ. ‌ಪೈಲ್ವಾನ್ ಓರ್ವ ಹಾಲು, ಮೊಸರಿಗಾಗಿ ಮೀಸೆ ಬೋಳಿಸಿಕೊಂಡಂತೆ ಸಿಎಂ ಸ್ಥಾನಕ್ಕಾಗಿ ಕನಸು ಕಾಣ್ತಿದ್ದಾರೆ.‌ ಇನ್ನು, ಕಾಂಗ್ರೆಸ್‌ ನಾಯಕ ರಾಹುಲ್ ಗಾಂಧಿ ಒಬ್ಬ ಜವಾಬ್ದಾರಿ ಇಲ್ಲದ ಮನುಷ್ಯ.

ರಾಹುಲ್ ಗಾಂಧಿ ಸೆರೆ ಹಿಡಿದ (ಕೈ ಬಿಟ್ಟ) ದನ ಇದ್ದ ಹಾಗೆ, ಬೇಸಿಗೆ ಕಾಲದಲ್ಲಿ ಎಲ್ಲಾದ್ರೂ, ಏನಾದ್ರೂ ತಿಂದು ಬರಲೆಂದು ಬಿಟ್ಟ ದನ ಇದ್ದಂತೆ. ಬೆಳಗ್ಗೆ ಬಿಟ್ಟರೆ ಎಲ್ಲಾ ಕಡೆ ತಿರುಗಾಡಿ ಸಂಜೆ ಮನೆ ಸೇರಿದಂತೆ ರಾಹುಲ್ ಗಾಂಧಿ ಎಲ್ಲಿ ಹೋದರು, ಯಾಕೆ ಹೋದರು? ಅಂತಾ ಹಿಡಿಯೊರೇ ಇಲ್ಲಾ ಎಂದು ಟೀಕೆ ಮಾಡಿದರು.

ಓದಿ:ಕೇಂದ್ರ ಸಚಿವ ಶ್ರೀಪಾದ್ ನಾಯಕ್ ಕಾರು ಅಪಘಾತ.. ಪತ್ನಿ, ಆಪ್ತ ಕಾರ್ಯದರ್ಶಿ ಸಾವು, ಸಚಿವರ ಸ್ಥಿತಿ ಗಂಭೀರ

ಕಾಂಗ್ರೆಸ್ ಮುಂದಿನ ಚುನಾವಣೆ ನಂತರ ಹೀನಾಯ ಸ್ಥಿತಿಗೆ ಬರುತ್ತೆ, ಆ ಭಾಗ್ಯ,ಈ ಭಾಗ್ಯ ಅಂತ ಕೊಟ್ಟ ಹಣವೆಲ್ಲಾ ದೌರ್ಭಾಗ್ಯ ಆಗಿದೆ. ಹಾಗಾದ್ರೆ ಅವರು ಚುನಾವಣೆಯಲ್ಲಿ ಯಾಕೆ ಗೆಲ್ಲಲಿಲ್ಲ ಎಂದು ಸಿದ್ದರಾಮಯ್ಯಗೆ ತಿವಿದರು.