ಕಂಡಕ್ಟರ್​​​-ಪ್ರಯಾಣಿಕನ ನಡುವೆ ರಂಪಾಟ: ಸೀದಾ​ ಪೊಲೀಸ್​​​ ಠಾಣೆಗೆ ಬಸ್​​​ ಕೊಂಡೊಯ್ದ ಚಾಲಕ! -

ಕಂಡಕ್ಟರ್ ಹಾಗೂ ಪ್ರಯಾಣಿಕನ ನಡುವೆ ಜಗಳ ನಡೆದು, ಬಸ್ ಚಾಲಕ ಬಸ್​​ಅನ್ನು ಮಾರ್ಗ ಮಧ್ಯದಿಂದಲೇ ಪೊಲೀಸ್​​ ಠಾಣೆಗೆ ಕೊಂಡೊಯ್ದ ಘಟನೆ ಗದಗ ಜಿಲ್ಲೆಯ ನರಗುಂದ ಪಟ್ಟಣದಲ್ಲಿ ನಡೆದಿದೆ.

ಗದಗ:ಕಂಡಕ್ಟರ್ ಹಾಗೂ ಪ್ರಯಾಣಿಕನ ನಡುವೆ ಜಗಳ ನಡೆದು, ಬಸ್ ಚಾಲಕ ಬಸ್​​ಅನ್ನು ಮಾರ್ಗ ಮಧ್ಯದಿಂದಲೇ ಪೊಲೀಸ್ ಠಾಣೆಗೆ ಕೊಂಡೊಯ್ದ ಘಟನೆ ಗದಗ ಜಿಲ್ಲೆಯ ನರಗುಂದ ಪಟ್ಟಣದಲ್ಲಿ ನಡೆದಿದೆ.

ನರಗುಂದ ಪಟ್ಟಣದಿಂದ ಅಮರಗೋಳಕ್ಕೆ ಹೊರಟಿದ್ದ ಬಸ್‌ನಲ್ಲಿ ಅಮರಗೋಳದ ಪ್ರಯಾಣಿಕ ಸತೀಶ್​ ಹಾಗೂ ಬಸ್ ಕಂಡಕ್ಟರ್ ನಡುವೆ ಗಲಾಟೆ ನಡೆದಿದೆ. ಇವರಿಬ್ಬರ ಜಗಳ ಬಸ್​ನಲ್ಲಿದ್ದ ಉಳಿದೆಲ್ಲ ಪ್ರಯಾಣಿಕರಿಗೆ ತೊಂದರೆ ಉಂಟು ಮಾಡಿದೆ. ಇದರಿಂದ ಬಸ್ ಚಾಲಕ ನಲವತ್ತಕ್ಕೂ ಹೆಚ್ಚು ಪ್ರಯಾಣಿಕರಿದ್ದ ಬಸ್​​ಅನ್ನು ಸೀದಾ ಪಕ್ಕದ ನರಗುಂದ ಪೊಲೀಸ್ ಠಾಣೆಗೆ ತೆಗೆದುಕೊಂಡು ಹೋಗಿದ್ದಾರೆ.

ಇವರಿಬ್ಬರ ಜಗಳದಲ್ಲಿ 40ಕ್ಕೂ ಹೆಚ್ಚಿನ ಪ್ರಯಾಣಿಕರು ಸುಮಾರು ಒಂದು ತಾಸಿಗೂ ಹೆಚ್ಚು ಕಾಲ ಪೊಲೀಸ್ ಠಾಣೆ ಎದುರು ನಿಲ್ಲುವಂತಾಯಿತು. ನರಗುಂದ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದೆ.