ಗದಗ:ಕಳೆದೊಂದು ವಾರದಿಂದ ಬಾವಿಯಲ್ಲಿ ಬಿದ್ದು ಪರಿತಪಿಸುತ್ತಿದ್ದ ನಾಗರಹಾವನ್ನು ಉರಗ ತಜ್ಞರೊಬ್ಬರು ಸ್ಥಳೀಯರ ನೆರವಿನಿಂದ ರಕ್ಷಿಸಿ ಸುರಕ್ಷಿತ ಸ್ಥಳಕ್ಕೆ ಬಿಟ್ಟಿದ್ದಾರೆ. ಈ ಘಟನೆ ಗದಗ ಜಿಲ್ಲೆಯ ರೋಣ ತಾಲೂಕಿನ ಹೊಳೆಆಲೂರ ಗ್ರಾಮದಲ್ಲಿ ನಡೆದಿದೆ.
ವಾರದಿಂದ ಬಾವಿಯಲ್ಲಿ ಬಿದ್ದು ನರಳಾಡಿದ ನಾಗರಾಜನಿಗೆ ಕೊನೆಗೂ ಸಿಕ್ತು ಮುಕ್ತಿ - ಹೊಳೆಆಲೂರ ಗ್ರಾಮ ಹಾವು ತೋಟ
ಹೊಳೆಆಲೂರ ಗ್ರಾಮದ ತೋಟದ ಬಾವಿಯಲ್ಲಿ ಬಿದ್ದು ಒದ್ದಾಡುತ್ತಿದ್ದ ನಾಗರ ಹಾವನ್ನು ಉರಗ ತಜ್ಞ ಮಂಜುನಾಥ್‌ ಎಂಬವರು ರಕ್ಷಿಸಿ ಸುರಕ್ಷಿತ ಪ್ರದೇಶಕ್ಕೆ ಬಿಟ್ಟಿದ್ದಾರೆ.
ನಾಗರಾಜನನ್ನು ಕಾಪಾಡಿದ ಮಂಜುನಾಥ
ಗ್ರಾಮದ ಹನುಮಂತಗೌಡರ ತೋಟದ ಬಾವಿಯಲ್ಲಿ ಈ ನಾಗರಹಾವು ಆರೇಳು ದಿನಗಳಿಂದ ಸಾವು-ಬದುಕಿನ ಮಧ್ಯೆ ಹೋರಾಟ ನಡೆಸುತ್ತಿತ್ತು. ಈ ಹಾವನ್ನು ಬಾವಿಯಿಂದ ತೆಗೆದು ರಕ್ಷಿಸುವಂತೆ ಹನುಮಂತ ಗೌಡ ಅರಣ್ಯ ಇಲಾಖೆಗೆ ತಿಳಿಸಿದ್ದರು. ಆದರೆ ಇಲಾಖೆ ಮಾತ್ರ ಮುತುವರ್ಜಿ ವಹಿಸಲಿಲ್ಲ ಎಂದು ಅವರು ಹೇಳಿದ್ದಾರೆ.
ನಾಗರಾಜನ ರಕ್ಷಣೆ
ಬಳಿಕ ಉರಗ ತಜ್ಞ ಮಂಜುನಾಥ ನಾಯಕ ಅವರನ್ನು ಕರೆಸಿಕೊಳ್ಳಲಾಗಿದ್ದು, ಸ್ಥಳೀಯರ ಸಹಕಾರದೊಂದಿಗೆ ನೀರು ತುಂಬಿದ ಬಾವಿಯಲ್ಲಿ ತೊಟ್ಟಿಲು ಬಿಡುವ ಮೂಲಕ ಹಾವನ್ನು ಮೇಲೆತ್ತಲಾಗಿದ್ದುಸುರಕ್ಷಿತ ಪ್ರದೇಶಕ್ಕೆ ಬಿಟ್ಟಿದ್ದಾರೆ.