ಶ್ರೀಬನಶಂಕರಿ ದೇವಿ ರಥೋತ್ಸವಕ್ಕೆ ಹಗ್ಗ ಕೊಂಡೊಯ್ದ ಎತ್ತು ಹೃದಯಾಘಾತದಿಂದ ಸಾವು..

ಸುಮಾರು 15 ಕ್ವಿಂಟಾಲ್​ಗೂ ಅಧಿಕ ಬಾರದ ಹಗ್ಗವನ್ನು ಹೊತ್ತು ಮಲಪ್ರಭಾ ನದಿ ದಾಟಿದ್ದ ರೋಣ ತಾಲೂಕಿನ ಮಾಡಲಗೇರಿ ಗ್ರಾಮದ ಅನ್ನಪ್ಪ ಮೇಟಿ ಎಂಬುವರಿಗೆ ಸೇರಿದ ಎತ್ತು ಇಂದು ಸಾವನ್ನಪ್ಪಿದೆ.

ಗದಗ : ಬಾದಾಮಿಯ ಶ್ರೀಬನಶಂಕರಿ ದೇವಿಯ ರಥೋತ್ಸವಕ್ಕೆ ಹಗ್ಗ ತೆಗೆದುಕೊಂಡು ಹೋಗಿದ್ದ ಎತ್ತೊಂದು ಹೃದಯಾಘಾತದಿಂದ ಸಾವನ್ನಪ್ಪಿರುವ ಘಟನೆ ನಡೆದಿದೆ.

ಜಿಲ್ಲೆಯ ರೋಣ ತಾಲೂಕಿನ ಮಾಡಲಗೇರಿ ಗ್ರಾಮದ ಅನ್ನಪ್ಪ ಮೇಟಿ ಎಂಬುವರಿಗೆ ಸೇರಿದ ಎತ್ತು ಸಾವನ್ನಪ್ಪಿದೆ. ಶ್ರೀ ಬನಶಂಕರಿಯ ರಥೋತ್ಸವ ಮುಗಿದು ವಾಪಸ್​ ಬರುವಾಗ ಎತ್ತು ಹೃದಯಾಘಾತದಿಂದ ಸಾವನ್ನಪ್ಪಿದೆ.‌

18ನೇ ಶತಮಾನದಿಂದ ಬನಶಂಕರಿ ದೇವಿಯ ರಥಕ್ಕೆ ಮಾಡಲಗೇರಿ ಗ್ರಾಮದಿಂದಲೇ ಹಗ್ಗ ಪೂರೈಸುವೆ ಸಂಪ್ರದಾಯವಿದೆ. ಈ ಹಿನ್ನೆಲೆಯಲ್ಲಿ ರಥೋತ್ಸವಕ್ಕೆ 15 ಕ್ವಿಂಟಾಲ್​ಗೂ ಅಧಿಕ ಬಾರದ ಹಗ್ಗವನ್ನು ಹೊತ್ತುಕೊಂಡು ಮಲಪ್ರಭಾ ನದಿ ದಾಟಿತ್ತು. ಆದರೆ, ಇದೀಗ ರಥೋತ್ಸವದ ಕಾರ್ಯ ಮುಗಿಸಿ ವಾಪಸ್‌ ಆಗುವಾಗ ಎತ್ತು ಸಾವನ್ನಪ್ಪಿರುವುದು ಮಾಡಲಗೇರಿ ಗ್ರಾಮಸ್ಥರಲ್ಲಿ ದುಃಖ ಮನೆ ಮಾಡಿದೆ.