ಗದಗ: ನಾನು 'ದಿ ಕಾಶ್ಮೀರ್ ಫೈಲ್ಸ್' ಸಿನಿಮಾ ನೋಡಿದ್ದೇನೆ. ಇದು ರಾಜಕೀಯ ಸಿನಿಮಾ ಅಲ್ಲಾ, ಸತ್ಯ ಘಟನೆ ತೋರಿಸಿರುವ ಚಿತ್ರ. ಈ ವಿಚಾರದಲ್ಲಿ ಯಾರು ರಾಜಕೀಯ ಮಾಡಬೇಡಿ ಅಂತಾ ಚಿತ್ರ ನಟಿ ತಾರಾ ಅನುರಾಧಾ ಹೇಳಿದರು.
ಗದಗದಲ್ಲಿ ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, 'ದಿ ಕಾಶ್ಮೀರ್ ಫೈಲ್ಸ್' ಸಿನಿಮಾದಲ್ಲಿ ರಾಜಕೀಯ ಬೆರೆಸಬೇಡಿ, ಪೈರಸಿ ಮಾಡಬೇಡಿ. ಕಾಶ್ಮೀರದಲ್ಲಿ ಮಹಿಳೆಯರ ಮೇಲೆ ನಡೆದ ದೌರ್ಜನ್ಯವನ್ನು ಈ ಸಿನಿಮಾದಲ್ಲಿ ನೋಡಿದಾಗ ಮೈ ಜುಮ್ ಎನ್ನಿಸಿತು. ಈ ಸಿನಿಮಾವನ್ನ ನೋಡಿದಾಗ ಒಂದು ರೀತಿಯ ಆಕ್ರೋಶ, ದುಃಖ ಕೂಡ ಆಗುತ್ತದೆ. ಆ ಟೈಮ್ನಲ್ಲಿ ಸರ್ಕಾರ ಯಾಕೆ ಕೈಕಟ್ಟಿ ಕೂತಿದ್ದವು? ಎಂದು ಆಕ್ರೋಶ ವ್ಯಕ್ತಪಡಿಸಿದರು.
ಗದಗದಲ್ಲಿ ಮಾಧ್ಯಮಗಳೊಂದಿಗೆ ಮಾತನಾಡಿದ ತಾರಾ